日本旅遊攻略
澳門一直都係香港人度週末嘅熱門之選，交通方便、多靚酒店同美食之餘，主題多姿多采嘅各式盛事，更加吸引到唔同喜好嘅旅人專程過大海感受限時美好，今次獲得「我最喜愛宣傳活動 - 旅遊局」嘅澳門特別行政區政府旅遊局，一直大力推廣澳門旅遊之餘，更花了不少心思將藝術、運動、文化結合旅遊，務求將澳門特色以唔同形式展示，加上舉辦多個世界級盛事，讓旅客每次去澳門都充滿新鮮感同驚喜。而家就一齊睇吓今年下半年澳門有咩活動登場，總有一個啱你心水！
超人氣角色走入澳門地標 限時同POP MART角色打卡兼抽獎
作為「聯合國教科文組織創意城市美食之都」澳門特色美食之多絕對係吸引香港人一訪再訪嘅主要原因之一，「與POP MART漫遊澳門 」活動即日起到9月21日，請到四大超人氣角色Baby Molly、 CRYBABY、 DIMOO和 LABUBU，以唔同造型走入澳門地標，將美食主題同城市文化景點結合，喺大家熟識嘅澳門景點帶來耳目一新嘅超可愛風景！
CRYBABY喺白鴿巢前地搵澳門好食到喊嘅夾餅，你最愛嘅澳門小食又係邊樣呢?
LABUBU嚟到氹仔排角路休憩區品嚐別具風味嘅澳葡菜。
DIMOO 喺崗頂前地等緊大家，話你知澳門有邊啲必食嘅冰室美食。
Baby Molly食住「杏仁餅」同「蛋捲」兩款澳門最特色手信喺瘋堂斜巷等住同你見面。
除咗喺澳門唔同角落同人氣角色打卡，旅客仲可以喺全澳商戶線下單筆消費實付滿指定金額* ，參加線上抽獎贏取限定活動禮品，包括各個角色嘅精美禮品。此外，只要喺任何一個活動場景影相打卡，再喺社交媒體平台分享兼標籤 #與POPMART漫遊澳門 或 #POPMARTMACAOCITYWALK，就可以免費攞活動主題限量明信片乙張！先到先得，唔好錯過只此一次嘅聯乘紀念~~
與POP MART漫遊澳門
日期：即日至9月21日
詳情：https://www.macaotourism.gov.mo/zh-hant/article/events/popmart-macao-citywalk#characters
經典角色夢幻登場 Hello Kitty主題巴士載你穿梭景點
「與POP MART漫遊澳門」帶來近期大紅嘅卡通角色，另一邊箱「Sanrio characters 夢幻花園」就將Sanrio characters一眾經典列陣，以夢幻可愛造型喺旅客較唔熟悉嘅北區景點設立打卡裝置，仲有 Hello Kitty主題巴士載你遊走景點之間，為旅程增加夢幻氣息，最啱一眾擁有少女心嘅旅客探索澳門北區留影打卡。
今次打卡裝置請到Sanrio characters眾多角色登場，包括：Hello Kitty、Kuromi、My Sweet Piano喺青洲坊蓮花廣場花海共舞；Cinnamoroll、Hangyodon、Gudetama就化身美食大使，喺祐漢街市公園帶你展開澳門美食之旅；從青茂口岸入境澳門，就有超大充氣Hello Kitty同一眾角色熱情歡迎；仲有位於青洲大馬路嘅180米超長主題打卡牆，點影都一定滿意。
想趁此機會遊覽澳門北區，就唔好唔記得預約乘坐期間限定嘅「Hello Kitty主題巴士」，免費載你穿梭北區各大景點，讓旅程更夢幻。活動期間仲有消費抽獎、攤位遊戲、舞蹈表演同角色快閃見面會，詳情同時間可以上活動網頁查詢。
Sanrio characters 夢幻花園
日期：即日至10月13日
詳情：https://www.mocommunityevent.com/zh_mo/index.html
國際藝術雙年展 30場展覽全城共賞
除咗滿足鍾意可愛卡通人物嘅朋友，澳門亦係藝術愛好者嘅天堂，最矚目嘅藝文薈澳：澳門國際藝術雙年展2025，今年以「嗨，你幹甚麼來了？」為主題，透過主場展、公共藝術展、城市館、特展、本地策展計劃、平行展六大板塊，共近三十場精彩展覽、集合來自十多個國家及地區嘅藝術家，喺澳門不同角落帶來全城都可以參與嘅藝壇盛事。
藝文薈澳：澳門國際藝術雙年展2025
日期：即日至10月19日
詳情：www.artmacao.mo/2025/cn
兩大世界級盛事 煙花賽車成澳門標誌 全運會年底登場
澳門最具代表性嘅活動，肯定非每年9月及10月舉行嘅澳門國際煙花比賽匯演同11月嘅澳門格蘭披治大賽車莫屬。前者請來世界各地最頂級嘅煙花設計者，將畢生絕學化身一瞬璀璨花火，喺地標澳門塔前，上演一幕幕精彩動人嘅煙花藝術風景，絕對稱得上世界級煙花盛事！
第33屆澳門國際煙花比賽匯演
日期：9月至10月待定
詳情：https://www.macaotourism.gov.mo/zh-hant/events/calendar
澳門格蘭披治大賽車更加唔洗多作介紹，自1954年創辦以來，不單係澳明歷史最為悠久嘅體育盛事，更加因為其標誌性街道賽道，而登上賽車運動嘅傳奇盛事地位。今年格蘭披治大賽車將舉行七項精彩賽事，當中包括四項國際汽聯賽事，一眾賽車迷記緊提早計劃行程。
第72屆澳門格蘭披治大賽車
日期：11月13日至16日
詳情：https://www.macau.grandprix.gov.mo/zh-hant/
另一件今年舉行嘅體壇盛事，就係即將由廣東、香港、澳門合辦嘅全國運動會。澳門賽區將承辦5個比賽項目，包括乒乓球（所有組別）、3人籃球（所有組別）、5人籃球（男子18歲以下組）、排球（女子成年組）同空手道（所有組別），對以上項目有興趣嘅朋友就要留意網頁公佈門票開售詳情。緊接全國運動會登場嘅全國第十二屆殘疾人運動會暨第九屆特殊奧林匹克運動會，亦會由粵港澳三地共同舉辦，澳門將承辦2個羽毛球比賽項目，到時齊齊為各運動員加油打氣。
第十五屆全國運動會（澳門賽區）
日期：11月9日至21日
詳情：https://www.2025nationalgames.gov.mo/zh-hant/national
全國第十二屆殘疾人運動會暨第九屆特殊奧林匹克運動會（澳門賽區）
日期：12月8日至15日
詳情：https://www.2025nationalgames.gov.mo/zh-hant/paralympics
*澳門Mpay、澳門支付寶、泰國True Money及馬來西亞Touch'n Go eWallet的指定金額為100澳門元、香港支付寶為100港元及內地支付寶為100人民幣，詳情請參閱相關電子錢包應用程式。
(資料由客戶提供)
UTravel熱門旅遊話題
↓立即登記參加！賺取無上限現金賞💰↓
立即探索🔍最新熱門活動📍好去處推介🌟
