日本旅遊攻略
無綫全新綜藝節目《帶阿姐看世界》轉眼來到第三站的拍攝，這次由TVB力捧小生阮浩棕負責帶女主角汪明荃（阿姐）看世界，他將帶阿姐到風光明媚的摩洛哥大開眼界！
阿姐在摩洛哥的行程相當豐富，二人先後到訪了舍夫沙萬的藍色城市、摩洛哥第二大城市非斯、撒哈拉沙漠等標誌性地方，體驗了在沙漠中騎駱駝、食早餐睇日出，以及穿上民族服飾在色彩繽紛的屋宇前打咭留念等，畫面亮麗！
根據資料，摩洛哥近日氣溫一直持續在30多度，加上烈日當空，阿姐除了長期戴住黑超防曬，亦keep住拎住風扇仔降溫，做足準備相當叻！每次均會悉心打扮看世界的阿姐，今次行程繼續大晒各式各樣襯到滴水不漏的靚衫，獲網民大讚完美Carry所有造型。在旅程中少女心大爆發的阿姐盡顯熱情本色，除了與幕後工作人員打成一片外，又與阮浩棕及當地導遊手牽手，其中阮浩棕拖著阿姐走上斜路的背影照，構圖搶眼之餘亦極盡溫馨。
阮浩棕為節目做足資料搜集
與周嘉洛及周奕瑋一樣，阮浩棕整個旅程對阿姐照顧周到，不但為阿姐充當攝影師，又主動為阿姐按摩！阿姐接受官方訪問時，亦當面大讚阮浩棕勤力：「關於摩洛哥嘅資料搜集咗好多，唔使即場去記啲資料，變相講出嚟會好自然。」原來為了拍好這個節目，阮浩棕出發前做了大量摩洛哥的資料搜集，就連阿姐的資料，他也不放過，並笑言習慣將所有看過的資料抄下來方便記憶。阿姐聞言笑言：「我啲資料咁多，你睇唔睇得晒架？嗱！我真係旨意晒你架，我咩都冇睇過，我希望你畀驚喜我吖嘛。」
阿姐爆阮浩棕腳毛數量多
阿姐在訪問期間突然踢爆阮浩棕腳毛數量多得驚人：「佢啲腳毛好犀利，好Man咁咯，同佢個樣唔係幾襯。」之後再搞笑追問阮浩棕：「你胸毛有冇架？」令出名怕醜的阮浩棕一度語塞！阮浩棕受訪時則指與阿姐合作後，覺得自己「愈嚟愈鍾意阿姐」：「以前覺得阿姐好嚴肅（姐：我哋都冇相處過）我喺側邊睇住你，會好驚嘅，但其實阿姐好可愛，佢會同我哋講笑啦、同我哋玩啦，好真性情。」
UTravel熱門旅遊話題
↓主題追蹤人次突破二百萬!! 即刻重溫精彩時刻 ↓
↓立即登記參加！賺取無上限現金賞💰↓
