日本旅遊攻略
旅遊達人項明生早前在社交平台發文，指自己和內地朋友到一家茶餐廳吃晚餐，結帳時被告知「只收現金」，而朋友慣於手機支付，未攜港幣現金，氣氛一度尷尬。項明生在文中直指職員語氣傲慢，更感嘆「忽然我明白，點解香港呢期咁多餐廳收皮」。然而，對於項明生的帖文，惹來不少網民批評！
項明生以「今時今日咁嘅服務態度」為題發文，指自己日前和內地朋友到茶餐廳吃完晚餐，但埋單時職員稱只收現金，「職員冷冰冰一句，氣氛瞬間僵硬了」。由於內地朋友沒有港幣現金，亦已習慣手機支付十幾年，於是向他求助。 項明生問職員「收唔收八達通？」及「收唔收信用卡？」，職員均回覆「唔收」，更很不耐煩地說：「$201文（蚊）呀！只收現金！唔收毫子！」 項明生稱整個對話「聽到的都是傲慢的『唔收！』『唔收！』『唔收！』，只收現金，但係唔收五毫子、兩毫子、一毫子。」
項明生還稱因此而明白「點解香港呢期咁多餐廳收X呢？」他還稱為甚麼香港人用比深圳高出兩至三倍價錢食飯，要得到這樣的服務呢？「調返轉，一個鐘頭的車程北上之後，價錢平咗一大截，服務升級200%，去深圳消費嘅話，「乜都收」，連港紙都收，仲係一比一添！一個以客為尊，驚死你唔嚟。一個自己大晒，唔驚你唔嚟。」
網民批評項明生
不過項明生帖文一出，惹起網民的批評，指「只收現金，完全無問題啵」、「都寫明只收現金、都仲要問人收唔收咩收唔收物」、「人家向你表示衹收現金，仲要問收不收呢樣嗰樣。」、「日本好多餐廳都只可用現金，咁你唔講，搵野（嘢）嚟講架（㗎）喎」，亦有網民解釋店家不收現金是因為八達通公司都會向商戶收取手續費。
亦有網民支持項明生，附和指香港不少食肆服務態度不佳，「貼錢買難受」、「帶備現金在身已（以）備不時之需，方便人又方便自己。」項明生見網民群情洶湧，之後亦有留言解釋：「唔知點解大家咁大反應，我只係表達我個人鍾意用八達通，或者電子貨幣，唔鍾意用現金（特別是疫情之後、衛生問題）。收現金冇問題，不過提供八達通以及電子支付方便不同人客啲嘅！當然本港有餐廳及的士堅持只收現金，我都會尊重，俾返現金。大家唔好咁勞氣上綱上線批鬥，變成另類指桑罵槐意識形態爭執呀！食餐飯啫！」不過解釋就惹來更多網民圍插：「你插人就得，人哋插你就咁大反應？」、「每個地方都有自己既運作模式同文化，你仲話自己只係鍾意用八達通？」、「去人哋舖頭都唔按人哋規定，影衰香港人」、「人地寫明只收現金你唔鍾意用現金咁你做咁入去食？」
圖片：項明生FB
UTravel熱門旅遊話題
↓立即登記參加！賺取無上限現金賞💰↓
附搶飛連結🔗不再錯過演出消息‼️
