日本旅遊攻略
2025.06.23
近年來不少港人熱愛在周末北上消費，昨日（22日）是星期日，深圳灣口岸湧現回港潮，各種交通工具都大排長龍。而歌手吳業坤昨日亦在facebook發文，指想在口岸排的士返屋企，不過預計需排1小時才能搭到的士，又稱「我以後唔會星期日返香港」。
吳業坤昨晚在內地收工後過關返香港，背景疑似是深圳灣口岸。他在口岸處就驚見人潮，他分享一張排隊照，指「我都係收工，想搭的士返屋企，我諗都要排一個鐘。」又言：「我已經見佢關口塞車，落車行去關口。點知過完關，仲要過埋的士呢一關。」他說「我已經唔知邊條隊打邊條隊」，見如此擠逼，更要排足一個鐘的士，他直言感「後悔」：「我以後唔會星期日返香港。」
不少網友亦在坤哥的帖子下留言分享同樣「苦況」：「我九點鐘到都等左15分鐘先上到的士」、「唔知點解呢個星期北上咁誇張，唔止深圳灣，蓮塘，港珠澳大橋，一樣咁既情況」、「萬象城嗰邊已經開始塞⋯⋯心知奶嘢」、「福田口岸都爆場」、「我頭先深圳灣一出好多人，但三架巴士一齊上，所以好快」。亦有人建議他：「搭巴士前往屯門市中心或元朗大馬路再截的士返屋企可能會好一點！？」、「搭B3轉應該仲快」。不過有人直言並非每個星期日都這麼多人，「因為啱啱中小學考完試，所以呢個禮拜假期先咁多人咋」、「可能因為琴日蓮塘口岸迫爆，大約排咗兩個多小時，所以啲人今日轉軚轉咗去深圳灣口岸出」。
點擊圖片放大
據入境處資料顯示，周日（22日）有667,213人次的港人及旅客入境香港，其中經深圳灣口岸入境人次達102,814人。
點擊圖片放大
圖片：FB、小紅書
UTravel熱門旅遊話題
【精華重溫🌟】社群年度熱搜帖文榜單出爐！🏆↓
↓主題追蹤人次突破二百萬!! 即刻重溫精彩時刻 ↓
↓主題追蹤人次突破二百萬!! 即刻重溫精彩時刻 ↓
🔔睇《U GO》輕鬆掌握最新食買玩情報！↓
立即探索🔍最新熱門活動📍好去處推介🌟
立即探索🔍最新熱門活動📍好去處推介🌟
