日本旅遊攻略
由關智斌（Kenny）同楊天宇（Angus）主持旅遊節目《孖夫遊記》，今次帶觀眾遊福岡。此前二人試過日本占卜、豪遊由布院，今集則體驗浸溫泉。二人一邊浸溫泉一邊傾偈，毫無保留地「赤裸」剖白，除了展現健碩身材外，還爆出不少內幕，養眼同資訊量都爆棚！
浸溫泉前，因要半裸上鏡，節目組問Angus要唔要即席做掌上壓練肌，好讓拍攝時有爆肌效果。Angus即刻俯地狂操，仲笑言：「千祈唔好畀Kenny見到。」點知最終都被Kenny發現，Kenny即刻跟住做掌上壓，笑Angus有心機：「佢同我講：『我昨日食咗拉麵，唔操啦，我放棄咗。』點知後來畀我見到佢偷雞做掌上壓。」
浸溫泉時，節目組提議兩位「爆肌裸男」玩「你問我答 赤裸剖白」，答唔到問題嘅一方要接受淋冰水懲罰。第一題係「你最討厭嘅藝人？」。Kenny話係阿Sa蔡卓妍：「佢真係射手座，約食飯時唔理係邊個group嘅朋友，例如會一次過叫三十人出去食飯，但大家互不認識，所以有時場面會好尷尬。」Angus則話最討厭周家怡：「我同佢拍《裡應外合》時成日傾偈，佢好靈性，能散發好多正能量，但佢嘅正能量多到我有啲毛管戙。」
第二題係「你有幾多身家？」Kenny話：「多過六位數，少過八位數。」Angus即刻拆穿：「嗰日我聽老闆（英皇集團主席楊受成博士）話你有七層樓，起碼九位數啦！」Kenny苦笑：「老闆嗰邊嘅消息有啲滯後……」隨即反問Angus，Angus話多過六位數、少過七位數。Kenny笑指Angus身家少過自己，要接受懲罰，最後Angus自淋冰水，笑爆全場。
來源：EEG提供
關智斌Kenny緊身小泳褲騷肌！罕派浸溫泉福利照
去年阿Sa(蔡卓妍)在社交平台分享一系列三點式泳照大騷身材，馬上掀起熱議，日前好友關智斌(Kenny)都參戰趁機晒旅遊半裸泳照，穿小泳褲大騷麒麟臂胸肌查養眼，連阿Sa都忍唔住留言「大佬！得兩張唔夠喉喎！」。
阿Sa晒性感三點式泳照
阿Sa在社交平台大晒身穿性感比堅尼的泳照大騷纖腰及美腿，並配文「練兵千日 用在一時 😝#咁辛苦keepfit #就係為咗有個summerbody 😏 #留倩影 #老咗可以睇返 #曾經都fit過 😎 #2024年夏」，照片一出便引來熱議，好友容祖兒、薛凱琪都紛紛留言「人靚衫靚景靚水靚」、「sexyyyyyy🔥🔥🔥🔥🔥🔥🔥」，關智斌(Kenny)更表示「😮😍我都要post一張挑戰你個summer body先！😤」，令不少粉絲熱切期待。
Kenny穿小泳褲半裸騷肌
Kenny都找數在社交平台分享兩張身穿小泳褲半裸泳照，大騷麒麟臂胸肌查養眼，並配文「兵千日用在一時😎蔡卓妍小姐發起一個 #summerbodychallenge 婀娜多姿玲瓏浮特的曲線，令身邊朋友咬牙切齒妒忌恨😬男藝人關智斌看不過眼，決定加入戰團！穿起10多年都沒有穿過的小泳褲迎戰！」好身材連阿Sa都留言「大佬！得兩張唔夠喉喎！」，粉絲都紛紛感謝阿Sa讓關智斌發圖，更表示Kenny身材好到「AI 嚟gar😍😍🔥🔥 點解可以咁顛」、「哇😍😍」，Kenny其後更在限時動態Tag容祖兒、衛詩雅、Angus以及許靖韻，唔知大家會唔會見到更多藝人捉緊夏天的尾巴大騷性感泳照呢？
圖片來源：IG@kennyjr, IG@choisaaaa
UTravel熱門旅遊話題
↓立即登記參加！賺取無上限現金賞💰↓
↓即睇最新行程懶人包、爆紅打卡點🔥、必吃美食😋等↓
