日本旅遊攻略
「美心妹妹」楊鎧凝（Celine）去年4月隻身飛到日本九州留學，並升讀當地高中一年級。去到日本，Celine非常活躍，早前更宣布當選學生會會長。而近日她就以學生會會長身份代表學校發言，更獲日本媒體報道，認真威水呀！
Celine這一年去到日本讀書非常充實，不時在社交網分享日常生活。去年12月，她宣布當選學生會會長。而日前她作為學生會會長參加了棒球打氣隊，在學校壯行會發言，更有多間日本電視台來採訪。Celine直言「會長出道戰成功」：「第一次對住三百幾位日本人講日文，仲要有大約四至三個電視台嚟咗。但係真係好開心，係一個好難得嘅體驗！下個禮拜18號我哋學校就會出發去甲子園打比賽啦，我最鍾意就係睇棒球比賽，而我作為學生會會長參加咗打氣隊。」
不少日本媒體亦有報道Celine的講話內容，當中包括yahoo，大分放送（OBS）、NHK、TBS。她表示：「最開心係篇報道裏有寫到我係香港人留學生同學生會會長。我會繼續努力，加油，棒球隊都要加油呀！」不少網友都留言為Celine妹妹打氣！
日本留學甜曬拖手相
Celine去年年尾曾回香港度假，之後又再返日本返學。回到日本後，她更遇上人生的初雪，曬出玩雪相，留言：「今朝一起身打開個窗就全部都係雪，之後就即刻出去砌咗celine snowman。返學成個操場都變咗雪場真係嚇死我，但係好好玩。」而近日Celine突然曬出拖手相，更留言兩字洩蜜，更有心心的emoji，引來Celine妹妹已出pool的疑雲。
留兩字疑洩蜜
曾公開「理想Boy」條件
16歲的Celine不時上載靚相，現在已化身日系少女，相當清純。大個女的她亦開始有少女心事，在社交網公開「理想Boy」的條件：「要有活力 ，要係識得運動嘅，要170以上，要cute cute地，希望係冇乜脾氣，最重要係靚仔。」但她笑言自己是A0（未拍過拖），又講笑：「But me A0，所以只係幻想，如果你係DM me！」Celine表示恨拍拖：「我身邊啲人全部拍晒拖啦，Me表示me le（我呢）， 算啦，船到橋頭自然直。」又指身邊沒有靚仔朋友：「Why我冇靚仔frd，唔通我太恐怖？大家快啲話我知why。」有網民搞笑說：「因為我哋由細睇到你大。」
去年4月隻身飛到日本留學
Celine一向熱愛日本文化，在考到日語能力試N2程度後，去年去日本留學。雖然此行是一個人，但Celine指自己都能適應當地生活，除了認識到不少朋友外，考試成績亦相當不錯，在全班考第五名。而在課外，Celine亦有到日本四處遊玩，除了去遠足外，亦有與朋友唱K行街等：「返學就喺度玩同埋認真學習，放學就同班friend去食。」生活非常充實。
Celine早前回香港過暑假，表示在回去日本時，想買一些香港手信給他們。日前她就在Threads開Post求助：「大家幫下我arrrrr！我係日本school有班日本Frd，我想買香港手信俾佢哋，但係又諗唔到香港有咩買喎。可唔可以俾啲建議？多謝！」
不少網友都紛紛畀意見Celine，提議的手信包括：Tempo紙巾、蛋捲、京都念慈菴川貝枇杷膏、熊仔曲奇餅、維他檸檬茶、大發鱈魚絲、媽咪麵、大白兔糖、時興隆魷魚絲、欣欣杯、熱浪味薯片、XO醬、腐乳、豆豉鯪魚、五香肉丁等。
亦有網友提議：「冷門系列：陳意齋嘅齋燒鵝，咸甜口味可能日本人會鍾意？」不過年紀輕輕的的Celine並不知道甚麼是「齋燒鵝」，回覆網友：「燒鵝買返日本點過關？」該網友哭笑不得，自言「老了」：「或者你google 『齋燒鵝下』先？！」Celine後來才知「齋燒鵝」並不是真的「燒鵝」，原來是零食的一種。
UTravel熱門旅遊話題
↓主題追蹤人次突破二百萬!! 即刻重溫精彩時刻 ↓
↓立即登記參加！賺取無上限現金賞💰↓
