梁芷珮結婚21周年曬咀嘴放閃照甜遊玻利維亞老公竟大膽露股？

2025.02.24

「旅遊達人」梁芷珮（Christy）主持的旅行節目《潮什麼》系列大受歡迎，近日她與老公Kenneth遠赴南美，拍攝《南美潮什麼》。適逢兩人結婚21周年，梁芷珮與老公狂曬旅行放閃照，甜度爆燈！

結婚21週年放閃

2月21日是梁芷珮與老公Kenneth結婚21週年，兩人身在玻利維亞，她在IG曬出合照：「今日就結婚21週年喇！想當年得21歲，（嚟緊個大仔都21歲🫣）老喇老喇，襯行得走得要一齊去多啲地方喇老公❤️今日週年喺玻利維亞嘅國家公園過🥰，又有溫泉又有30幾萬隻flamingo 陪我哋一齊過，幾開心❤️Happy anniversary 老公！Love u love u love u!!!」非常恩愛！

點擊圖片放大

梁芷珮老公大膽露股

之後梁芷珮與老公到了全世界最大的鹽田，在當地擺出各個POSE及搞鬼造型打卡。其中一張相中，梁芷珮「化身」巨人，Kenneth就扮被踩扁，她笑言：「老公成日話Happy wife happy life，你唔介意我一隻手指捽細你，然後再踩扁你慳返張機票返屋企㗎嘛？」而另一張相中，Kenneth就露股，用patpat對住老婆，認真大膽！

點擊圖片放大

兩夫妻現高山反應

在到達玻利維亞號稱「全球最高海拔的首都」la Paz時，梁芷珮兩夫妻都也出現「高山反應」，而Kenneth的高山反應更為嚴重。梁芷珮在到達玻利維亞首都拉巴斯時，發現原來機場位處更高達海拔4000米，「酒店瞓咗一晚之後，又返返嚟機場準備去鹽田，今朝我哋嘅高山症反應都幾勁，超頭痛，想嘔，不過好彩我好快冇事，反而老公就頂唔順，高山反應因人而異，好彩我冇，起碼唔使全軍覆沒。」她續指：「人哋話高山反應一至三日就會適應，最緊要慢慢唞氣，飲多啲水，食啲澱粉質，希望今日去到鹽田休息埋，聽日就可以正常啦！去南美嘅飛機真係信唔過，晨早嚟到機場，又要delay兩個鐘…」

點擊圖片放大

她又曬出老公在酒店床上休息的相片，指他瞓了差不多兩日，都依然頭痛。她指老公馬上食高山藥，現在已無事：「老公冇事喇！其實我哋係帶咗高山藥嘅，只不過係想試吓淨係靠休息同埋飲水可唔可以唔使食藥，不過琴日老公嘅情況，瞓咗差唔多兩日，都仲係頭痛，冇進展，所以即刻俾佢食藥，好彩啲藥即刻食都有用，今日已經完全冇晒事，正式開工了！航拍都放埋啦！」

點擊圖片放大

圖片：梁芷珮IG

梁芷珮在《德國潮什麼》首兩集先後暢遊慕尼克、羅騰堡及柏林，了解德國馳名的啤酒文化、深入體驗德國古世紀的歷史，以及柏林的打卡潮點。梁芷珮在柏林先後體驗了別具特色的「廁所Burger」、「火車酒吧」及「舊巴士餐廳」、一人Disco、水中央桑拿屋，及全歐洲最高、身處120米高空的High Swing。至於水中央桑拿屋則相當梳乎，梁芷珮身穿一件頭泳衣現身，與攝影師老公在一間最多能容納四人的小木屋，大歎戶外明媚陽光及室內桑拿。