南美潮什麼｜梁芷珮抵達全球最高海拔首都即現高山反應：超頭痛想嘔

2025.02.20

「旅遊達人」梁芷珮（Christy）主持的旅行節目《潮什麼》系列大受歡迎，近日她與老公Kenneth再度出發，遠赴南美，拍攝《南美潮什麼》。兩人先是搭30幾個鐘飛機去巴西幾日，之後轉戰玻利維亞。在到達玻利維亞號稱「全球最高海拔的首都」la Paz時，梁芷珮兩夫妻都也出現「高山反應」，而Kenneth的高山反應更為嚴重。

梁芷珮日前到達玻利維亞首都拉巴斯，發現原來機場位處更高達海拔4000米，「酒店瞓咗一晚之後，又返返嚟機場準備去鹽田，今朝我哋嘅高山症反應都幾勁，超頭痛，想嘔，不過好彩我好快冇事，反而老公就頂唔順，高山反應因人而異，好彩我冇，起碼唔使全軍覆沒。」她續指：「人哋話高山反應一至三日就會適應，最緊要慢慢唞氣，飲多啲水，食啲澱粉質，希望今日去到鹽田休息埋，聽日就可以正常啦！去南美嘅飛機真係信唔過，晨早嚟到機場，又要delay兩個鐘…」

點擊圖片放大

她又曬出老公在酒店床上休息的相片，指他瞓了差不多兩日，都依然頭痛。她指老公馬上食高山藥，現在已無事：「老公冇事喇！其實我哋係帶咗高山藥嘅，只不過係想試吓淨係靠休息同埋飲水可唔可以唔使食藥，不過琴日老公嘅情況，瞓咗差唔多兩日，都仲係頭痛，冇進展，所以即刻俾佢食藥，好彩啲藥即刻食都有用，今日已經完全冇晒事，正式開工了！航拍都放埋啦！」

點擊圖片放大

結婚21週年

2月21日是梁芷珮與老公Kenneth結婚21週年，兩人現身在玻利維亞，她在IG曬出合照：「今日就結婚21週年喇！想當年得21歲，（嚟緊個大仔都21歲🫣）老喇老喇，襯行得走得要一齊去多啲地方喇老公❤️今日週年喺玻利維亞嘅國家公園過🥰，又有溫泉又有30幾萬隻flamingo 陪我哋一齊過，幾開心❤️Happy anniversary 老公！Love u love u love u!!!」非常恩愛！

點擊圖片放大

圖片：梁芷珮IG

梁芷珮在《德國潮什麼》首兩集先後暢遊慕尼克、羅騰堡及柏林，了解德國馳名的啤酒文化、深入體驗德國古世紀的歷史，以及柏林的打卡潮點。梁芷珮在柏林先後體驗了別具特色的「廁所Burger」、「火車酒吧」及「舊巴士餐廳」、一人Disco、水中央桑拿屋，及全歐洲最高、身處120米高空的High Swing。至於水中央桑拿屋則相當梳乎，梁芷珮身穿一件頭泳衣現身，與攝影師老公在一間最多能容納四人的小木屋，大歎戶外明媚陽光及室內桑拿。

點擊圖片放大

而原來梁芷珮當日除了一件頭泳衣外，亦有自備另一套比堅尼，更有睇頭之餘，亦盡曬弗爆身材！梁芷珮表示：「係呀，我帶咗兩套泳衣去，一套電視着，一套IG着，難得去到咁遠，泳衣帶多幾套唔重呀嘛！」不少網友睇到心心眼：「這個螢光橙色泳衣好看呀！健康膚色襯呢個，絕！」

點擊圖片放大

圖片：梁芷珮IG

旅遊達人梁芷珮（Christy）與老公Kenneth去年在法國，為TVB拍攝2024巴黎奧運的攻略特輯，而兩夫妻更順道與以前曾一同主持《法國潮什麼》的拍檔聚會。

梁芷珮此行飛巴黎主要拍攝奧運場館周邊景點，逗留當地半個月的她忙過不停。她與老公Kenneth早前去了奧運足球場館踩場，相中見Kenneth瞓在草地拍攝，梁芷珮直言：「老公直頭瞓哂身去拍㗎！」

點擊圖片放大

而兩人亦趁空閒與前TVB藝人麥凱程聚會，梁芷珮因在2018年與他一同主持《法國潮什麼》而成為好友，今次難得相聚，眾人興奮曬合照。麥凱程留言：「《法國潮什麼》Gathering！」麥凱程在2019年離開TVB後已鮮有在幕前出現，今次網友見到他都覺得十分驚喜。

從小在法國波爾多長大的麥凱程，在2016年回流參加《香港先生選舉》，成功晉級最後十強。之後他加入無綫，因操一口流利的法語而獲余詠珊賞識，有機會主持J2旅遊節目《法國潮什麼》及《酒遍全世界4》。

點擊圖片放大

而在戲劇方面，麥凱程曾在《降魔的2.0》中擔演要角「施勞斯（Ross）」。不過在2019年他因多次缺席《降魔的2.0》宣傳而引來外間揣測，當時他向傳媒透露自己患上嚴重抑鬱症而回到波爾多休養。麥凱程之後除了接手家族公司做汽車電池和電動單車生意外，更與高中同學在當地搞大麻種植場。

圖片：麥凱程IG

梁芷珮（Christy）去年與老公Kenneth、二仔Duncan同細女Kasey飛瑞士拍攝《瑞士潮什麼》，繼續寓工作於家庭旅行，相當開心！

阿仔電話失而復得

一向見慣世界、見慣世面的Christy今次在瑞士都有不少「奇遇」，除了遷就兩個小朋友，經常要食快餐之外，更有兩件奇事分享。首先是二仔Duncan旅程中遺失電話，沒想到竟然失而復得，她說：「呢個真係一萬個好彩！之前Duncan喺瑞士第一個禮拜就喺架火車唔見咗個電話，諗住冇硬㗎啦，不過見Online就可以攪報失咁方便，咪網上報失博吓囉，點知五日之後，真係搵得返！係瑞士嘅人誠實，定係我哋真係好好彩？可能兩樣都係！慳返唔使買新電話俾Duncan了！」見到Duncan拎番部電話笑晒，相信都好開心！

點擊圖片放大

機位超賣原可獲航空公司4位數歐羅補償

Christy完成拍攝後，準備舉家返港，沒想到再有奇遇，「航空公司啱啱話班機overbook, 每人畀$600歐, 再包埋你酒店一晚！問有冇呢班機嘅乘客肯take 呢個offer喎！我即刻聽到成個機場嘩咗一聲，嘩，我四張飛，如果take咗咪有成$2400歐？發達啦！take唔take好呢？瑞士真係充滿驚喜！」