日本旅遊攻略
- 深圳玩美攻略有超過百項遊樂設施。
- 成人可全日無限次進出，80cm以下兒童免費。
- 場地鄰近地鐵站，方便前往。
深圳室內遊樂場｜位於深圳福田區的「玩美攻略WonderMeet」是一座佔地約10萬平方呎的室內遊樂場，提供超過100項遊戲體驗，涵蓋賽車、VR體驗、保齡球等多種項目，適合各年齡層的遊客前往體驗。而且一個價錢就能全日任玩所有設施！即刻睇睇深圳玩美攻略門票、交通、地址、開放時間及設施介紹。現時經平台預訂最平$192可玩足全日，更設80cm以下小童免費！
港人北上新熱點「玩美攻略」
港人北上新熱點- 玩美攻略 (WonderMeet)
「玩美攻略」地鐵直達深圳10萬呎 網民讚：好玩到癲！
深圳福田區大型室內遊樂場「玩美攻略（WonderMeet）」近期成為港人北上玩樂新熱點。該遊樂場佔地約10萬平方呎，樓高三層，提供超過100項遊樂設施。有網民形容場內極適合朋友聚會、情侶拍拖，或者公司舉辦team building等等，帶小朋友去玩更是樂而忘返！場地交通便利，位於地鐵1號線華強路站B出口直達的世紀匯廣場。
玩家實測：設施新淨 影相打卡一流
不少玩家評價指，場內「設施好新呀」，而且有大量打卡位，「隨便一拍就是大片」。場內三層設施各有主題：
玩美攻略一樓： 主打機動遊戲及VR虛擬實境。有網民力推「賽車體感遊戲」，大讚「好似揸真嘅賽車咁」，亦有罕見的「賽馬機」及5D飛躍劇場、VR暗黑戰車、射擊遊戲等。
玩家真實評價︰自由進出不限時
小紅書博主@精緻劉總 帶同女兒一同去過玩美攻略後大讚：「大家準備好一整天在這兒吧！ 全場不限時、不限次還能自由進出！」小紅書上亦可見不少對玩美攻略的好評 。
按圖了解更多︰
點買最抵？$168起有交易 80cm小童免費
「玩美攻略」採用全日制門票，遊客可憑手環全日不限次數及時間自由進出，有網民大讚「中途肚餓，出去附近食餐飯再返嚟都得」。
現場門票： 平日（工作日）$268人民幣；節假日$298人民幣。
夜場票： 設有晚上7點至10點的夜場票，售價$168人民幣。
平台優惠： 經KKday、Trip.com等指定旅遊平台預訂，經常推出限時優惠，最平HK$192起即可購買全日任玩門票，性價比極高。
親子優惠： 每位成年監護人可免費攜帶一位80cm以下的小童入場（18歲以下兒童均需購票及由成人陪同）。
玩家攻略︰入場前必睇及避伏位貼士
雖然有網民稱「所有項目都無限時間、無限次數玩」，但綜合多方資料，「任玩」實為憑手環可全日無限次進出場館。大部分熱門項目均設有遊玩時間或次數限制，玩完一次後必須重新排隊。
熱門項目限制：
卡丁車： 需身高1.3米以上才能遊玩；每節體驗時間約4至5分鐘。
保齡球： 每次排隊可玩4局（4個格）。
VR遊戲 / 5D影院： 每項體驗時間約5至10分鐘不等。
DIY手工「三選一」： 有網民指二樓的畫畫、陶藝、串珠仔「通通都係免費」，但據條款，手工藝項目（陶藝、油畫、串珠）每位入場人士憑票僅可任選其中一項體驗一次，並非全部任玩。
場內不設儲物櫃： 場內並無提供儲物櫃，所有物品需自行保管，或可存放於前台（但不設保管服務）。建議玩家輕便出行。
飲食安排： 場館內禁止攜帶外來食物及飲品。如上文提及，三樓設有餐廳，遊客亦可憑手環自由進出商場用餐。
玩家貼士： 有玩家提醒，「最好就工作日嚟玩，人相對會少啲，唔使成日排隊，玩得更加爽！」
玩美攻略交通指南
地址： 深圳市福田區華強北街道華航社區深南大道3018號世紀匯廣場1層、2層、3層
營業時間： 10:00 - 22:00
地鐵交通： 遊樂場位於世紀匯商場，其B1層設有地下通道，直駁深圳地鐵1號線「華強路站」B出口。此外，由地鐵2號線或7號線的「華強北站」步行前往，亦僅需約3分鐘。
福田口岸出發： 可搭乘地鐵4號線至「會展中心站」（車程2個站），再轉乘1號線即可抵達「華強路站」。
羅湖口岸出發： 乘搭地鐵1號線（車程5個站）即可直達「華強路站」，無需轉乘。
深圳玩美攻略資訊
營業時間：10:00 - 22:00
地址：深圳市福田區華強北街道華航社區深南大道3018號世紀匯廣場1層101室2層201室3層301室
交通：地鐵1號線華強路站B出口
門票價錢：平日港幣$288 / 週末及公眾假期港幣$318（全日任玩）
玩美攻略門票預訂優惠：Trip.com｜KKday
-
深圳攻略
深圳市
深圳任玩任食玩貓狗室內遊樂場好介紹
我和老公經常都北上 通常都係玩室內遊樂場多 但係我貪心啲我經常又想多啲花款 今個復活節假期，真係好開心 我哋同好友去咗深圳一間大型室內遊樂場 價格有少少貴，成人大概港幣300蚊，由早上11:00玩到11:00(關門)，附近再住一晚 但係一次就可以玩曬以下設備: 1. 有貓狗玩(自選時間約內去，地方算乾淨，唔會有好大異味) 2. 有自助餐食，不可同酒店比(任飲多款味道啤酒) 3. 有卡丁車、幼兒碰碰車(因為假期太多人冇排，所以玩唔到唔太快卡丁車) 4. 有好多打機嘅設施，仲有VR 5. 四人一次下單，送自選附近1間餐廳美食約¥400多(幾個大人同小朋友都食得飽) 以爲個自助餐難食，點知原來幾好食，仲會加食物，不用搶，推介:黑椒意粉、啤酒炆鴨、炸魚塊、炸蝦片、咖喱魚蛋及台灣腸等 佢個啤酒真係好多款，好有氣，啱曬我任溝 食嘅時候仲可以隔籬有個大熒幕，好似迷你戲院噉睇緊哪吒、卡通片 如有興趣可留言問
閱讀更多
-
運動
深圳新開室內遊樂場🤸港人北上玩到唔捨得走😆
港人北上又多個好去處！深圳新開呢間1.8萬呎室內遊樂場，99+個項目一票🎫玩到夠，玩到腳軟都未玩完，冷氣夠勁唔怕曬～🚗 由羅湖或蓮塘口岸過關，搭地鐵直達就玩到！ ✔ 密室闖關 深圳都有得玩楊冪同款密室，懸崖、石壁……場景超有代入感～ ✔ C919模擬飛行艙 睇完港劇《衝上雲霄》就一直想試下做機長，呢度個模擬機艙✈️真係好有feel～ ✔ 高空極限館 高空蹦極、🪂跳傘、滑索……平時返工壓力大，由高處一飛而下真係好爽～ 仲有卡丁車🏎️、波動虛擬AR對戰、VR劇場、真人CS、親子釣蝦🦐、WWE美式摔角、保齡球🎳、👻鬼屋、4人秋千等等～玩足一日都得！ 地址： 🪅空氣湃運動嘉年華·綜藝秀場·團建拓展（龍崗店） 🎀龍崗區吉華街道三聯社區賽格新城1號101 🚇5號線下水徑站 解放運動潛能
閱讀更多
-
深圳
玩美攻略WonderMeet
深圳玩美攻略🔥！10萬呎室內遊樂場！玩到癲🥳
🎢 深圳｢玩美攻略｣WonderMeet 玩樂攻略 ✨ 場館特色 深圳福田區新開嘅｢玩美攻略｣(WonderMeet)係一個佔地10萬平方呎嘅超大型室內遊樂場,共三層超過100項遊戲設施!一票玩全日,絕對係近年深圳最熱門嘅玩樂熱點! 🎯 重點遊玩推薦 🏎️ 卡丁車 (3樓) - ⭐⭐⭐⭐⭐ · 專業室內賽道,每局4分鐘,最多六個車手比賽 · 賽道有足夠空間超車,前車太慢可以爬頭 · 容易控制,有頭盔裝備安全度高 · 有細路專用車 · 溫馨提示:下午2點後可能需需要排隊1小時,建議一開場就先去玩! ⛸️ 溜冰場 (2樓) - ⭐⭐⭐⭐⭐ · 室內真冰滑冰場,可以用手扶住膠海豚幫助練習平衡 · 賽道上多初學者,速度唔高,可以安心練習 🎳 保齡球 (2樓) - ⭐⭐⭐⭐ · 現代化保齡球道,每場最多可6人一齊玩, 總共有6局決勝負｡ 🏹 射箭 (2樓) - ⭐⭐⭐⭐ · 距離設定適合初學者,好快就可以掌握技巧 · 有專人幫手控制鏢靶同補充箭支 · 每人每次有5次發射機會,短時間內就能擊中目標圓圈,第一次玩都超有成功感! 🎨 其他必玩項目 街機賽車:非常推薦!唔使點排隊就可以玩 手作體驗:陶瓷同手繪畫完成品可以帶走 VR體驗:沉浸式遊戲體驗,刺激感十足 夾公仔:入場送10個代幣,讚好小紅書再送多10個代幣 💰 門票全日任玩 週末/假期 ¥298/位 工作日 ¥268/位 🕒 遊玩策略 1. 憑手帶可以自由出入,可出外食午餐再返來玩 2. 分層遊玩: 上午:3樓刺激項目,10點開門直衝卡丁車,避開人龍 下午:2樓休閒活動 傍晚:1樓街機/VR遊戲 📍 實用資訊 地址:深圳市福田區深南大道3018號世紀匯廣場 營業時間:10:00-22:00 交通:羅湖關口轉乘地鐵1號線華強路站,行10分鐘就到 💡 貼心提示 · 可用手帶自由出入場館 · 場內提供即棄襪同頭套,衛生措施完善 · 有簡單醫療服務,萬一受傷都有專人協助 · 預留至少6小時玩樂時間 · 真人CS槍唔太推薦 ,雷射槍無實彈感覺,震動提示不足,亦會誤傷隊友 ｢玩美攻略｣真係抵玩之選,建議平日去會少人啲,玩得更加盡興!記得一入場就衝去玩卡丁車,唔係就要排好耐隊啦! 維港熱氣球之旅深圳攻略
閱讀更多
UTravel熱門旅遊話題
↓主題追蹤人次突破二百萬!! 即刻重溫精彩時刻 ↓
立即探索🔍最新熱門活動📍好去處推介🌟
