日本旅遊攻略
前《東張西望》主持容羨媛在去年9月離開效力16年的TVB，其後一家移民加拿大溫哥華。容羨媛至今移民當地3個月，現時住在華人社區的她，坦言沒有對香港太不捨，不過唯一不捨的是她老公。日前她就在YouTube拍片分享，哽咽直言是「黑暗的三個月」。
「黑暗的三個月」
容羨媛移民加拿大後不時都在社交平台分享生活，而在最近一條片中她就總結了過去三個月的生活，更哽咽表示是「黑暗的三個月」。她留言：「究竟發生了甚麼事令我經歷黑暗的三個月？呢三個月最後又點樣捱過？看到最尾記得攞定紙巾！ 希望呢條片能夠獻給轉變中嘅你，我做到，你都做得到。」
容羨媛在片中表示，在過去的三個月，她的老公未有在加拿大生活。原來她老公因工作關係，在移民頭三個月都仍在香港，留下她獨力照顧兩名子女。容羨媛說：「有朋友發現我老公一直唔喺我身邊，問我老公去咗邊？其實因為我老公喺香港有工作未完成，所以一路都未嚟到加拿大，所以頭三個月都係得我自己一個人湊仔女。小朋友每日8點45分先返學，所以我每朝7點半起身煮飯畀佢哋，送完佢哋返學，我就去買餸，跟住返到屋企開始做家務，做完家務食少少嘢，差唔多時間去接放學。」容羨媛又指佩服自己要獨力照顧一對仔女的情況下，仍能身兼多職：「同一時間我仲要去學車，搵咗啲part time，我覺得自己真係好犀利，喺冇老公、冇工人姐姐嘅情況下，做咗咁多嘢。」
與老公異地戀擔心情變
之後容羨媛想起與老公三個月無見，便哽咽說：「咁耐嚟我哋都未試分隔兩地，以前細個拍拖都未試過LD（Long Distance），估唔到結咗婚會LD…喺感情上，你係唔知道我老公喺香港會唔會攪攪震？我就話好忙啫，你唔知佢喺香港係點喎，老婆同仔女都唔喺身邊，一定係周圍去玩，夜夜笙歌，唔知佢返到嚟，我哋感情有冇變？或者會變得好唔好同？」而三個月過去，容羨媛終於見番老公，表示：「我哋嘅感情係冇變，我哋相遇嗰一刻係非常之感人。好開心佢而家已經喺我身邊，跟住我哋會一齊喺加拿大生活。」
最近容羨媛與父母及子女，到達去了溫哥華當地一個市場，直指裝潢有如70年代的香港，非常「old school」。片中見市場上層是美食廣場，下層有如街市，亦有賣電器、電話配件、書店等。
上層有不少餐廳，當中有店舖賣兩餸飯，兩餸飯要14加元（約77.5港元），大女Beth指香港僅售30多元，容羨媛就指當地兩餸飯份量較大。最後他們五人揀選了一盒兩餸飯、台式滷香豬扒飯及小籠包，總花費約39加元（約215.8港元）。
超巨型兩餸飯 自稱夠全家食
容羨媛其後又去買了一份香蕉味的雞蛋仔，價值6.25加元（約34.6港元）。她指雞蛋仔有香港的味道，大讚外脆內軟。容羨媛留言：「今次去左Richmond Public Market，個雞蛋仔果然名不虛傳，完全食返香港嘅感覺同味道，仲有超巨型兩餸飯，真正一個夠全家（食）！仲有個商場好鬼old school，好似穿越咗去70年代嘅香港咁！」
家居環境曝光
容羨媛早前亦有拍片分享溫哥華的家居環境，現在她們一家住在華人社區，片中見屋內空間大，牆上擺了不少油畫，佈置簡潔舒適。
圖片：容羨媛IG、容羨媛YouTube
前《東張》主持終公布移民目的地 兩孩之母：趁仲有力氣去見識下
容羨媛分享在IG分享在溫哥華拍攝的影片，片中見她一家四處遊玩，除了帶子女到動物園、溜冰場外，囡囡亦繼續在當地學跳舞。容羨媛更拍下子女上學及在家中一齊煮食的片段，一對子女亦展現笑容。
她留言：「呢個世界好大，我想趁仲有勇氣同力氣，去見識一下！Hello溫哥華嘅朋友，今後請多多指教！」
容羨媛之前在Instagram發文，寫下告別文並曬出海量巨星的集郵合照，以影片方式剪輯了她工作16年以來採訪多位明星的合照，當中包括佘詩曼、郭晉安、梁朝偉、徐子珊、謝賢、任賢齊、鄭秀文、杜琪峰、張學友、陳奕迅、郭富城、吳君如、鄭欣宜、陳豪、陳茵媺等。一眾TVB藝人和網民都為容容送上祝福，希望她日後有更好發展。
UTravel熱門旅遊話題
↓立即登記參加！賺取無上限現金賞💰↓
↓即睇最新行程懶人包、爆紅打卡點🔥、必吃美食😋等↓
