內地客遊香港迪士尼問園內火車可直達深圳？意外引出網民各式爆笑回應

2025.01.03

香港迪士尼樂園每年吸引數百萬遊客入場，當然會發生不少光怪陸離之事。日前有網民分享一則在樂園見過的趣事，表示曾經聽到有內地遊客詢問樂園員工美國小鎮大街的蒸汽火車「會經過羅湖嗎？」帖文更引來各式爆笑回應！有網民笑言：「同佢講直通上海嗰個迪士尼」、「親，這是高鐵，可以直達北京」，最搞笑是接連引出不少人表示：「我被問過一模一樣嘅問題」，有員工更爆料「仲有人問架車去唔去到青衣？」

內地客遊香港迪士尼樂園！見美國小鎮大街火車問：經羅湖嗎？

有網民透過Threads發帖分享「迪迪尼趣事一則」，同時上傳一張位於美國小鎮大街的火車照片，指自己數年前曾在香港迪士尼樂園內，聽到有內地遊客詢問員工：「這個火車是去哪裏的？會經過羅湖嗎？」引來大批網民爆笑。

點擊圖片放大

根據香港迪士尼官方介紹，於美國小鎮大街的火車站，靠近迪士尼大門入口位置，遊客可以在美國小鎮登上懷舊蒸汽火車，沿途欣賞香港迪士尼樂園的極緻景色，展開一場懷舊之旅！

點擊圖片放大

網民大爆笑：同佢講直通上海嗰個迪士尼

網民紛紛留言笑指，如果自己是員工應該回答對方：「會！快上車」、「同佢講直通上海嗰個迪士尼」、「親，這是高鐵，可以直達北京」、「親這裡就是西九龍」、「架火車去環遊世界」，有人更笑言「戇X無極限」、「十年前到而家都仲有人問呢個問題」。帖文又引來在迪士尼任職的員工留言：「幾年前俾人問到宜家，仲有好多戇X問題」、「2024我返呢度，仲有人問架車去唔去到青衣」；有人更留言指「見過佢哋拎啲八達通、卡支付寶喺個閘機度嘟入場，佢哋以為搭車咁入」。

▼網民爆笑留言▼

點擊圖片放大

海洋公園同類事件：問海洋列車返唔返到深圳

除了香港迪士尼之外，都有不少人都分享有遊客在海洋公園的類似事件：「之前聽過佢哋喺OP（Ocean Park，海洋公園）打卡用架叮叮上面坐勁耐，然後問點解架車仲唔開」、「聽過問海洋公園海洋列車返唔返到深圳」，都有人對員工感到十分佩服，「我相信日日都有勁多X頭問啲戇X問題，但又要笑笑口咁答」，直言「Respect」！