日本旅遊攻略
冬去日本睇住雪景浸溫泉絕對係人生bucket list之一！今次推介呢4大人氣溫泉擁有絕美景色，仲有多間值得一訪嘅溫泉酒店一次過推薦埋畀大家，有度仲可以望住富士山浸溫泉，真係人生一大享受~~
►詳情懶人包
►立即下載U Lifestyle App
——
銀山溫泉
銀山溫泉街兩旁有多橦建築風格古樸嘅溫泉旅館，再加上白茫茫嘅雪景，令人完全感受到日本「大正時代」優雅與浪漫嘅氣息。大家如果有睇過電影《千與千尋》嘅話應該對呢度嘅景貌更有熟悉感，聽講溫泉街上嘅「能登屋」正正就係千尋打工嘅油屋嘅靈感來源！
銀山溫泉-仙峽之宿 銀山莊
最大特色就係擁有超寬闊嘅露天溫泉池，而且部份房型仲有私湯，冬天嚟仲可以喺雪中浸溫泉，同時欣賞山林雪景，超級嘆！
銀山溫泉-古勢起屋別館
呢間百年旅館內部裝潢古色古香，和式房間雖較小但設備一應俱全！而且入住呢到仲可以去埋「銀山莊」嘅公共浴場浸溫泉，等於一個價錢享受兩間溫泉酒店，係性價比高之選~~
►更多詳情
登別溫泉
登別溫泉位於北海道，溫泉泉源來自於名勝景點「地獄谷」 ，更加係日本十大溫泉之一，獨有嘅硫磺泉水更有美容、紓緩肌肉疼痛等自然功效！
登別溫泉鄉瀧乃家
呢間溫泉酒店有西式房型同和式洋房選擇，房間闊落又乾淨，設有大露台可以望到外面嘅雪景，仲可以預約埋一泊兩食享受酒店精心準備嘅割烹和風料理~
►更多詳情
河口湖溫泉
喺東京河口湖住溫泉酒店最正就係可以同時欣賞到河口湖、富士山嘅夢幻美景！
鐘山苑酒店
擁有私家日式庭院，入住時可以欣賞庭院與富士山嘅自然之美。呢度嘅無邊際浴池景觀一流，大家可以喺享受天然泉水嘅同時將富士山美景盡收眼底。
湖樂御宿富士吟景
露天浴池同所有客房都可以睇到富士山景，今次終於可以將富士山「私有」喇！
箱根溫泉
箱根溫泉屬於東京近郊，從東京市中心出發都只係約1.5小時，交通方便，附近仲有爆紅景點—水中鳥居「箱根神社」。
箱根小涌園天悠旅館
有坐擁180°山景嘅無邊際公共溫泉，部份房型設有私湯。晚餐可以揀涮涮鍋、鐵板燒或懷石料理，食物質素高！早餐方面亦可選擇日式或西式，仲有得食長腳蟹~
►更多詳情
圖片來源：官網、Trip.com
【送禮】送友邦嘉年華門票連代幣400套！
U Lifestyle送出400套門票連代幣，您可以體驗全新機動遊戲及攤位遊戲，贏走豐富奬品！
活動日期：2024年12月19日至2025年1月5日
於指定活動期間內登記及完成簡單步驟，即有機會贏得Gourami時尚運動套裝連HKD 100現金券！立即登記參加啦！
U Lifestyle App《社群》是一個生活及美食交流專區，涵蓋超過40個人氣美食丶玩樂及生活熱話主題，集合高質內容分享，令用戶可深度關注旅遊丶打卡熱點丶甜品丶咖啡丶食譜丶美妝丶寵物等。
UTravel熱門旅遊話題
↓立即登記參加！賺取無上限現金賞💰↓
附搶飛連結🔗不再錯過演出消息‼️
