Gigi炎明熹韓國曬海量旅行靚相！多角度素顏自拍獲讚「零死角美女」

2024.12.18

《聲夢傳奇》三料冠軍炎明熹（Gigi）疑因跟TVB續約問題被雪接近半年，工作量銳減。近日Gigi終於出新歌《最動人一次》，很快已有過百萬點擊；早前更相隔多月現身公開活動，宣傳音樂特輯《戀上西沙》，不過就沒有接受訪問。Gigi近日在社交網回顧之前去韓國旅行的點滴，獲讚是「360度零死角美女」。

獲讚零死角美女

Gigi早前與閨密去韓國旅行，昨晚（17日）就在IG分享在當地影的靚相。她除了PO出與友人的合照外，亦有大曬多張不同角度的自拍照，近鏡看素顏的Gigi皮膚保養得宜，她留言：「論角度的重要性。不同角度，製造不同面孔。」不少粉絲都讚「靚好靚靚爆鏡靚到dum一聲」、「Gi係一個咩角度都咁靚女嘅人」、「360度零死角😍，不一樣的靚女...的Gigi」、「妳是360度無死角的正妹好嗎」、「咩角度都係一位靚女」、「不同角度一樣美」。

點擊圖片放大

化身西域公主

近日Gigi在限時動態貼出一張身穿西域服裝的照片，留言：「我被姐姐們賜名為購買的清泉，但是不知為何經過這間店的時候，被裏面的服飾所吸引，便購入了兩款不同的服飾」。Gigi挑選了紅色的西域服飾，罕有大曬S形曲線，令不少網民大飽眼福！

點擊圖片放大

▼▼點擊睇Gigi被網友在機場偶遇經過▼▼

點擊圖片放大

▼▼點擊睇埋Gigi近照▼▼

點擊圖片放大

炎明熹今年首度缺席台慶

11月19日是TVB台慶盛事《萬千星輝賀台慶》，不過Gigi今年首次缺席台慶，過往曾經連續三年被欽點表演。

點擊圖片放大

圖片：Gigi IG、小紅書

Gigi炎明熹回內地探親曬姊妹合照餅印妹妹女大十八變越大越靚女

Gigi自細由姑丈姑母一家照顧，與父母及弟妹分隔兩地。她早前趁空檔回內地探親，更吃了她每次回鄉必食的冰糖葫蘆，自拍時更擺出古靈精怪表情。

她又曬出與妹妹及弟弟合照，留言：「時間飛逝，每次返嚟都想食呢間冰糖葫蘆，雖然唔關咩事。同細妹嘅合照，果然有要求。同細佬的書枱合照。Yeah, 同細佬合照。強壯的三一。」Gigi曾開Live大讚妹妹皮膚好：「佢嘅皮膚就是我當年嘅皮膚，好渴望有咁樣嘅皮膚！」當時妹妹與炎明熹一樣都係留齊蔭，被網民封為「小Gigi」。

點擊圖片放大

不少粉絲都指妹妹女大十八變，與Gigi一樣靚女。粉絲們留言：「女大十八變，妹妹不經不覺已長大了很多」、「妹妹同Gi一樣咁靚女」、「妹妹靚咗好多」、「阿妹和細佬極速長大了許多」、「真的三姊弟都快高長大」。而曾在TVB劇《青春本我》中飾演Gigi媽的陳煒亦有留言：「細佬好成熟，細妹好可愛，家姐好傻妹。」

炎明熹本名「王佳恩」，由細到大她與居於內地的父母，分隔兩地生活。她在香港與姑丈姑母一家同居，炎明熹接受訪問時表示每逢暑假或者假期，都會返內地探親，更直言非常唔捨得家人，「細細個已經好想爹哋媽咪永遠喺自己身邊，但而家大個就發現，其實爹哋媽咪有自己嘅工作，亦都要照顧細佬妹、爺爺嫲嫲，我都有自己嘅工作、學業，所以大家都要努力去做自己事情，加上而家科技都好發達，可以經常聯繫。」而Gigi自小喜歡唱歌表演，姑丈見到她有天份，鼓勵她學唱歌，並參加《聲夢傳奇》比賽。

點擊圖片放大