日本旅遊攻略
澳門年度盛事「2024幻彩耀濠江」已經亮燈，由12月7日起至2025年2月28日一連兩個多月，同大家一齊穿越時空，喺沉浸式光影盛會中跨年同度過多個重要節假日。適逢今年係中華人民共和國成立75周年以及澳門特別行政區成立25周年雙慶年，旅遊局特別以「時空的共融」為主題，邀請多個海外、內地及港澳藝術家與國際團隊，通過旗艦裝置、藝術裝置、燈飾裝置、互動裝置同埋光雕表演等形式，讓大家享受繽紛嘅夜間娛樂體驗。
跨年盛事 活動範圍覆蓋整個澳門
為期84日嘅「2024幻彩耀濠江」既是跨年盛事也是發揮跨界融合嘅平台，參與今年度裝置設計和光雕表演嘅團隊陣容，兼備澳門嘅本地創意與國際視野，18位來自澳門、香港、內地及日本名古屋、澳洲悉尼等8個「創意城市設計之都」嘅藝術家及設計團隊，以「時空的共融」為題，以光為筆，以影為墨，迸發無限創意，合力打造一場穿越時空嘅光影盛宴，陪大家喺沉浸式光影盛會中度過澳門回歸紀念日、冬至、聖誕節、除夕、元旦、農曆新年、元宵和情人節等多個重要節假日。
6區31個裝置 分階段展出
今年度活動喺主題「時空的共融」再衍生6個分支主題，活動範圍覆蓋澳門半島、氹仔及路環嘅6個區域，包括下環區嘅「未來之脈」、南灣區嘅「海洋之息」、新口岸新填海區嘅「光華盛世」、北區嘅「夢繪天地」、氹仔區嘅「匯藝風情」，同埋路環區嘅「漁光葡影」，6個旗艦裝置、4個藝術裝置、12個燈飾裝置、9個互動裝置及3個光雕表演分佈喺以上6個區域嘅23個地點。當中嘅裝置項目喺活動期間嘅晚上7時至10時開放，活動以分階段、期間限定或快閃等形式推出，可多次走訪各區。另外，「2024幻彩耀濠江」涵蓋多樣化的裝置及主題光雕表演，無論係一家大小、三五知己、情侶和閨蜜等不同組合，都適合一齊去遊玩打卡、欣賞表演。
旗艦裝置：「親親大翅鯨」（作者：）
岸上鯨魚身裝有觸碰式燈光控制裝置，輕輕觸摸可令鯨魚燈光變幻。
地點：南灣區南灣雅文湖畔
旗艦裝置：「如願」（作者：Sofia Castellanos）
《Defend》象徵澳門同祖國嘅緊密關係，大手代表保護與支持，心形樹象徵澳門喺祖國懷抱中嘅成長與繁榮。
地點：新口岸新填海區澳門科學館心形樹廣場
旗艦裝置：「撻趣無限」（作者：蔣結玲）
以澳門最出名嘅葡撻為靈感，設計成一組獨特的藝術沙發椅，係兼備功能性與觀賞性嘅完美藝術結合。
地點：路環區水泉公地（路環壹號公寓前庭）
本地薑X日本團隊 打造精彩光雕表演
「2024幻彩耀濠江」活動期間，每晚都會有光雕表演，分階段上演分別以「Create the Future（創新紀元）」、「麥麥幻彩穿越賀雙慶」、「雙・連」及「100 FUN」為主題嘅光雕表演，前者由來自日本嘅光雕表演隊伍HITOHATA, INC.主理，而後兩者係澳門旅遊局於早前開展3D光雕表演作品公開本地徵集計劃中嘅獲選優秀作品。
「Create the Future（創新紀元）」（日本光雕表演隊伍：HITOHATA, INC.）
利用澳門科學館嘅建築美學和3D CG技術，以蓮花、龍、煙花和燈籠等元素慶祝及展望澳門的繁榮發展，並藉澳門當選2025年「東亞文化之都」為契機，激發大家對「創新紀元」嘅想像。
演出日期：2024年12月7日至2025年2月28日
演出時間：每晚7pm，7:30pm，8pm，8:30pm，9pm，9:30pm（每半小時，每場約5分鐘）
地點：澳門科學館
「麥麥幻彩穿越賀雙慶」（李秀湖、邱于灝）
作品展現咗澳門嘅特色，活潑嘅音樂、中西元素交融搭配，突顯澳門嘅多元文化底蘊，以及充滿魅力色彩嘅一面，結尾以金蓮花登場將雙慶氣氛推至高潮。
地點：氹仔消防局前地（木偶葡國餐廳立面）
「雙‧連」（李杰）
以連接「雙慶」為主題發想，由吉祥物「麥麥」帶大家進入一個異想天開嘅國度，融合澳門城市各種文化元素和特色美景，以繽紛嘅視覺震撼，打開連結「雙慶」祖國成立75周年及澳門回歸25周年嘅新一面貌。
演出日期：2024年12月7日至2025年1月17日
演出時間：每晚7pm，7:30pm，8pm，8:30pm，9pm，9:30pm（每半小時，每場約5分鐘）
地點：氹仔消防局前地（木偶葡國餐廳立面）
「100 FUN」（劉麗婷）
祖國成立75周年與澳門回歸25周年，加起來100有十全十美嘅意思。透過運用3D特效配合動感嘅澳門特色元素，如歷史文化建築、美食、節慶活動，同大家一齊慶祝澳門雙慶。
演出日期：2025年1月18日至2月28日
演出時間：每晚7pm，7:30pm，8pm，8:30pm，9pm，9:30pm（每半小時，每場約5分鐘）
地點：氹仔消防局前地（木偶葡國餐廳立面）
參加打卡活動 獲取區區專屬禮品
歷屆「幻彩耀濠江」嘅裝置同光雕表演都吸引唔少人影相打卡。活動期間，大家喺6區任何一個活動裝置現場影相打卡，分享到公開社交平台時標註「#2024幻彩耀濠江」或「#lightupmacao2024」或「#iluminarmacau2024」，集齊到指定數量嘅「讚」，即可去各區嘅諮詢站領取該區專屬紀念品1個；大家亦參與集章遊戲及「麥麥接接樂」，換取發光香薰座。為咗增加趣味，今年度仲特設「旗艦裝置尋寶記」，同埋特別為12月份慶祝澳門特別行政區成立25周年嘅「幸福層層塔」（北區期間限定），大送旗艦裝置手機架同埋北區限定小禮物（數量有限，換完即止）。
更多精彩快閃活動
「2024幻彩耀濠江」活動期間，逢星期六晚上8點至9點，6區入面嘅特定地點都會有唔同嘅快閃活動，包括巨型充氣公仔、電子琴表演、趣味扭波波、親子工作坊、卡通彩繪、Mini band、親子打鼓互動等，為節日及每個周末添上歡樂氣氛。
想了解更多「2024幻彩耀濠江」嘅活動詳情、藝術團隊介紹，以及6區嘅詳細路線圖，立即Click入去睇睇，為嚟緊嘅澳門遊計劃好行程啦：https://lum.macaotourism.gov.mo/
Source: MGTO
UTravel熱門旅遊話題
＞登記即送，人人有賞！＜
附搶飛連結🔗不再錯過演出消息‼️
