日本旅遊攻略
《聲夢傳奇》冠軍出身的炎明熹（Gigi）「雪藏疑雲」至今依然霧裡看花，但Gigi的心情並未受影響，日前更與友人飛韓國旅遊，食烤肉又影貼紙相，玩得不亦樂乎！不過昨晚(3日)南韓總統尹錫悅突然宣布戒嚴令，引起全球關注，亦令不少「Gi炎粉」(Gigi粉絲)非常擔心身處當地的Gigi，Gigi都相當識做，第一時間於社交平台向粉絲報平安。
昨晚南韓經歷6小時戒嚴，引起全球關注，Gigi昨晚在IG廣播專區親揭行蹤，寫上：「大家，我今日返咗嚟啦，不用擔心」原來Gigi昨日已經順利返抵香港，剛好避過戒嚴時間，所以粉絲可以放心。
▼▼點擊睇Gigi之前去咗邊度？▼▼
圖片：Gigi IG、小紅書
Gigi炎明熹回內地探親曬姊妹合照 餅印妹妹女大十八變 越大越靚女
Gigi自細由姑丈姑母一家照顧，與父母及弟妹分隔兩地。她早前趁空檔回內地探親，更吃了她每次回鄉必食的冰糖葫蘆，自拍時更擺出古靈精怪表情。
她又曬出與妹妹及弟弟合照，留言：「時間飛逝，每次返嚟都想食呢間冰糖葫蘆，雖然唔關咩事。同細妹嘅合照，果然有要求。同細佬的書枱合照。Yeah, 同細佬合照。強壯的三一。」Gigi曾開Live大讚妹妹皮膚好：「佢嘅皮膚就是我當年嘅皮膚，好渴望有咁樣嘅皮膚！」當時妹妹與炎明熹一樣都係留齊蔭，被網民封為「小Gigi」。
不少粉絲都指妹妹女大十八變，與Gigi一樣靚女。粉絲們留言：「女大十八變，妹妹不經不覺已長大了很多」、「妹妹同Gi一樣咁靚女」、「妹妹靚咗好多」、「阿妹和細佬極速長大了許多」、「真的三姊弟都快高長大」。而曾在TVB劇《青春本我》中飾演Gigi媽的陳煒亦有留言：「 細佬好成熟，細妹好可愛，家姐好傻妹。」
炎明熹本名「王佳恩」，由細到大她與居於內地的父母，分隔兩地生活。她在香港與姑丈姑母一家同居，炎明熹接受訪問時表示每逢暑假或者假期，都會返內地探親，更直言非常唔捨得家人，「細細個已經好想爹哋媽咪永遠喺自己身邊，但而家大個就發現，其實爹哋媽咪有自己嘅工作，亦都要照顧細佬妹、爺爺嫲嫲，我都有自己嘅工作、學業，所以大家都要努力去做自己事情，加上而家科技都好發達，可以經常聯繫。」而Gigi自小喜歡唱歌表演，姑丈見到她有天份，鼓勵她學唱歌，並參加《聲夢傳奇》比賽。
圖片：炎明熹IG
▶️立即下載U Lifestyle App：https://bit.ly/47MZ5J2
同場加映：【快閃旅行團】最新影片
UTravel熱門旅遊話題
↓立即登記參加！賺取無上限現金賞💰↓
↓即睇最新行程懶人包、爆紅打卡點🔥、必吃美食😋等↓
