日本旅遊攻略
平時大家搭飛機，會為平機票選擇廉航，抑或寧願花多些錢坐較為舒服的傳統航空？說到香港廉航代表，不少人第一時間都會想起HK Express(香港快運)，不過近年快運調整收費，機票組合五花八門，有時淡季或調整票價時，其實與傳統航空相差無幾。不過有網民卻大讚HK Express「合計來回$590就做到VIP」，更揚言就算免費也不會乘坐傳統航空經濟艙，帖文引來熱議。
港男寧願揀HK Express不坐傳統航空惹熱議
近日有網民在Facebook群組「HK Express 香港快運及旅行資訊關注組」發文，有別於大部分人認為香港快運規矩多，寧願畀多幾百搭其他航空公司，該網民反而表示「講真，就算HK Express機票比CX Econ貴少少，我都會照坐HK Express。」網民又指，來回合共多加$590就可以坐第一排及優先登機，強調國泰經濟艙「理論上免費我都唔會坐。」（按圖睇完整帖文）
稱搭國泰經濟艙會自卑嚇窒網民
帖文火速引來網民熱議，有網民認為樓主無需太在意其他級別艙位，「自唔自卑其實過得自己過到人...又唔沒太執著，有時執著累死自己」、「睇黎你要調整一下自己心態」、「第一個上機，又係要等齊其他人先起飛。」有人就認為即使坐第一排，屆時一樣要等行李，並沒有優勢，樓主則回覆「快閃唔使拖喼。就算係拖喼去日本，入境都必定比等行李長，所以縮短入境時間很重要。」有網民則建議如果想要平機票，可考慮做航空公司員工，「每年又有員工機票，又有乞衣票，咩class 任你揀，高級d 仲可以坐jump seat。」
有留言撐樓主 稱若沒有第一排座位寧願改期出發
另一方面，同樣有網民撐樓主，「多謝你！終於都有同路人，我永遠只愛坐第一行，如果當日出發時間沒有第一行，只有選第二日出發。」亦有網民認為人各有自己偏好，自己舒服最重要，「最緊要自我感覺良好」、「我都坐過第一行真係濶啲，如果腳長補錢都值」、「其實坐uo第一行幾舒服，一分錢一分貨。」有網民留言表示無需爭論區分國泰或快運，「老實講 點都係賺硬你錢 對國泰黎講有咩所謂。同一個集團 各花入各眼邊個時段好咪坐邊間。」
來源：Facebook、HK Express、HKET圖片庫、TVB劇集截圖 原文出處：港生活
▶立即下載U Lifestyle App：https://bit.ly/47MZ5J2
同場加映：【快閃旅行團】最新影片
UTravel熱門旅遊話題
↓主題追蹤人次突破二百萬!! 即刻重溫精彩時刻 ↓
↓即睇最新行程懶人包、爆紅打卡點🔥、必吃美食😋等↓
