日本旅遊攻略
903DJ森美與老婆陳雅嫻（Veronica）本月中到大阪旅行時，突收到被酒店臨時取消訂房的通知，事件引發熱議，日前梁思浩更在YouTube節目《娛樂好好玩》中，質疑森美為加薪而炒作新聞。而同為903DJ的朱薰就在IG「反擊」，po出森美食炸魚蛋的影片，笑言「唔係炒（作）」；又同時轉發少爺占的最新帖文，暗寸對方想「加人工」。
在上周五（18日），「九零三人隊」和「歌星勇士隊」在打排球，為下月的《 #903AllStar籃球賽 》進行第三場熱身賽。「歌星勇士隊」由鄧麗欣（Stephy ）任隊長，率領盧瀚霆 （AnsonLo）、 陳卓賢 （Ian）、 李駿傑 （Jeremy ）、Gin Lee、Elka@Lolly Talk、阿妹@Lolly Talk、Ada@VIVA、ValC@VIVA和葉巧琳應戰。而「九零三人隊」由隊長朱薰率領森美、Donald、Jacky、Jeff、如、梁子、梁文禮、志淙及金，聯同六位中學校隊成員上陣。最後「九零三人隊」以二比一勝「歌星勇士隊」。
朱薰昨日在IG po出森美在中學食魚蛋的片段，「反擊」梁思浩指森美為加薪而炒作新聞的質疑：「唔係炒（作），分明係炸！係炸！魚！蛋！大哥唔只要食熱嘢，大哥仲要食魚蛋。@sammy903 #罪名唔係炒嘢 #罪名係搶嘢」。獲網友讚「靚抽」。
而昨日，身在大阪的少爺占亦有出po，留言：「開放討論。本身夜晚九點開車去天橋立，只係需要兩個鐘頭車程，揸咗一個半鐘之後，發現高速公路往天橋立方向封路。導航顯示要行山路，車程要多三個半鐘頭，即係起碼凌晨三點我先會去到酒店。最後我揸返一個半鐘頭車，即時再book過另一間大阪酒店住。如果俾你，你嘅選擇會係點呢？」隨即被朱薰留言問：「係咪又想加人工？」少爺占後知後覺，驚覺被暗寸：「我而家知你哋講咩啦，希望真係有得加人工。」
圖片：朱薰IG、少爺占IG
【延伸閱讀】
森美遭質疑炒作被取消酒店事件 梁思浩爆原來同11月呢件大事有關…
日前梁思浩、江美儀與梁銨庭在YouTube節目《娛樂好好玩》亦提到森美被取消訂房一事，不過梁思浩就質疑森美為加薪而炒作新聞。
▼點擊放大睇梁思浩大爆廣播界內幕▼
圖片：YouTube節目《娛樂好好玩》、森美IG
【延伸閱讀】
森美電台節目親述大阪之旅 慌忙搵酒店：當時附近得返一間5萬一晚！
森美日前與老婆到大阪旅行，卻遭遇酒店臨時取消訂房的窘境，當晚10點多仍未找到落腳處，差點要「7街瞓」，慶幸最後得朋友幫手訂房才告一段落。事件引發熱議，知名Youtuber大J昨日(14日)也在Facebook出post回應，但就惹來抽水之嫌。今日凌晨，森美再於IG講述今次大阪之旅，透露原來整個行程都是由太太負責，他就負責享受，所以即使發生小插曲，仍然感激賢內助的安排。今早他於電台節目《早霸王》親述大阪之旅心路歷程。
森美感激太太一手包辦行程
森美今日凌晨再出post講述今次日本之旅，他表示：「今次成個旅程買機票買酒店到行程，都有太太負責，我本身冇過問，淨係享受，其實佢已經做得好好㗎啦，所以都感激佢！」又指凡事各好方面想，經一事長一智，下次會做足準備去旅行，就算訂好機票同酒店都不妨以電郵double confirm。
電台親述大阪之旅：當時得返間5萬一晚
今早他亦在電台節目《早霸王》親述大阪之旅心路歷程，他指事發當日太太收到中介平台email通知酒店房被取消，但訂房平台僅以「by other reasons」帶過，並沒有清楚交代確實原因，雖然平台說可以提供第二間酒店代替，但實際上當時已經沒有房間供應。當時平台提供兩個方案，一) 接受賠償全數，但要自行搵酒店；二) 由平台安排第二間酒店。不過森美認為兩個方案都不合理，因為平台已經全數收錢，但後來平台回覆已經沒有房間可以供應，即是連第二個方案都無，只剩賠償方案。於是森美只能立即搵附近其他房間，但網上能夠搵到的房間只剩一間索價5萬港元一晚的房間，即令森美嚇親。隨後，太太於原先的中介平台發現有房供應，於是他們又再book房，以為可以放心。怎料吃晚飯期間又收到平台通知，指預訂不成功，他們又再陷入「瞓街」危機！
森美表示雖然一直都找不到房，但當時心裡並沒有太擔心，因為他認為大阪始終治安良好，而他心裡面同時考慮其他可行辦法，包括住網吧、膠囊酒店、情趣酒店等，而太太就表示當中最抗拒情趣酒店，然而眾多後備住宿也是爆滿。其後，森美再託朋友幫手搵酒店，隨後發展就如之前報導所講朋友以個人名義成功訂房，奇怪的是，森美表示同一預訂平台他的太太都有上過去看，但當時顯示沒有房間供應，即使即時再查依然看不到有房間供應。
網民最關心的是涉事中介平台是哪一間，森美表示不會公開透露名字，著大家無需揣測。他指今次事件相信是平台系統的問題，但畢竟過程是哪個單位出錯始終無從稽考，而且他認為類似事件其實眾多平台都出現過，他希望這類中介平台都能夠密切監測服務質素。
大J疑似抽水森美事件 寸爆「唔肯紆尊降貴」
另外，知名Youtuber兼「日本達人」大J昨日在FB寫上：「夜媽媽喺日本旅行如果冇酒店 其實最簡單就係去情侶酒店過夜」，疑似回應森美事件。有網民留言：「其實唔係無酒店房，係無平價嘅酒店房啫」大J就寸爆森美不肯「紆尊降貴」。
不過帖文引起部份網民不滿，認為他是在「抽水」，並無實際幫助，有人質疑大J並未了解事件全貌，又指森美當晚已經在能力範圍內尋遍各類住宿：「咁喺佢嘅能力範圍內真係搵唔到都有可能嘅，冇必要講大話」「森美講過問埋love hotel 了」「其實佢ig其實有講，佢已經去過網吧都冇位。之後佢啲朋友打去問其他分店都係冇位。依家真係太多人只睇標題，唔睇內容。」大J則回應稱，不明白為何森美找不到情侶酒店，並要求網民提供森美尋找情侶酒店的證據。
即看網民於大J帖文留言：
【延伸閱讀】
森美大阪訂酒店遭臨時取消 旅遊達人分析一大原因兼教2招自保
「旅遊達人」項明生昨日(14日)接受商台節目《在晴朗的一天出發》訪問，亦評論有關事件，他分析箇中原因導致今次事件，同時傳授2招自保方法。
項明生在IG發文表示曾經出任連鎖酒店行銷總監，他明白對於不少酒店而言，其實並不願意接OTA (Online Travel Agency，旅遊中介網站) 的訂單，他分析箇中原因如下：
森美遊大阪臨時被取消酒店預訂險瞓街！慨嘆中介網信唔過 網民：開名啦
森美近日同老婆遊京都大阪，在IG大曬同老婆以情侶裝黑超造型chok樣擺甫士影相，即使森美無得同電單車之友一齊飆車，但同老婆去京都同樣開心，不過於12日當他們從京都返大阪就發生小插曲，更險些要瞓街！
UTravel熱門旅遊話題
↓立即登記參加！賺取無上限現金賞💰↓
立即探索🔍最新熱門活動📍好去處推介🌟
