日本旅遊攻略
2024.09.17
不時不食，我哋除咗食嘢要講時令外，有時去旅行都係不時不遊，某啲國家或地區，都要睇時節先去玩，好似北歐同北極圈地帶咁，更加適合冬天時候來訪！
以探訪聖誕老人為例，聖誕老人村位於芬蘭羅凡尼米北極圈內，每年都有數之不盡嘅遊客來自世界各地，當然12月來時會更加有氣氛啦。而且呢度仲有個聖誕老人郵局，在此寄信或明信片俾各地親友，會蓋上獨一無二嘅聖誕老人郵戳，更加彰顯難能可貴㗎！
至於另一個冬天先玩北歐嘅原因，就係因為凜冬看極光，成功機率大增，每年11月到隔年3月，係去北極圈追極光最好的季節。極光嘅成因其實係太陽風同地球磁場互相作用嘅結果，當太陽輻射所釋放出來的電子微粒進入地球，被南北兩個磁極所吸引，這些電子微粒移動時會釋放出熱能，使大氣層發光形成極光。極光光芒在眼前飄舞，仿似置身仙境咁！睇相係完全冇辦法取代親眼見到震撼。
除左大自然鬼斧神工外，嚟到瑞典首都斯德哥爾摩都有個不得不提嘅小驚喜 - 藝術地鐵體驗！呢度嘅地鐵，不僅僅是一個交通網絡，110 個車站內分佈著 90 多個獨特的藝術裝置，講述瑞典藝術和文化演變的引人入勝故事，等你沿途沉浸文化中，品味斯德哥爾摩獨特魅力！
追蹤北極光、探訪聖誕老人村、體驗世界上最長的藝廊外，仲會住埋玻璃酒店同出海捉帝王蟹! 今個冬天，一於同我哋一齊飛轉北極圈，探索呢個充滿奇幻色彩嘅北歐三國！
撰文：陳燕萍 大航假期集團董事長及主席，粵港澳大灣區旅遊聯盟—創會常務副主席，國際旅遊食評家。
欄名：自遊攻略
UTravel熱門旅遊話題
【出遊必備】U Community社群送您tomtoc大容量旅行袋！↓
＞登記即送，人人有賞！＜
＞登記即送，人人有賞！＜
【立即睇👀】最新演唱會時間表🎤搶飛情報🎫！↓
附搶飛連結🔗不再錯過演出消息‼️
附搶飛連結🔗不再錯過演出消息‼️
