日本旅遊攻略
MIRROR早前宣布將以3個小組推出歌曲，每個月為粉絲送上新歌，率先登場的有「妹豬組」成員姜濤、盧瀚霆(Anson Lo)、呂爵安(Edan)和李駿傑(Jeremy)，合唱甜蜜情歌《Strawberry Love》，四子更特別遠赴泰國取景拍攝MV，並邀請到泰版《流星花園》Prim Chanikarn擔任MV女主角，一起大跳心心舞「灑糖」！
Edan罕有做可愛小男生 姜濤：好青春好fresh
《Strawberry Love》由Serrini填詞，全首歌都濃罩著甜蜜氛圍，有別於過往MIRROR的歌曲作品，Edan表示：「今次推出比較可愛啲嘅作品，以往自己或MIRROR作品都係比較chok同型少少，未試過呢種咁可愛小男生感覺，應該對大家嚟講都有種新鮮感。」姜濤亦道：「呢首歌比較甜絲絲，好青春好fresh感覺，有別於過去MIRROR嘅歌曲。」
Anson Lo坦言被歌詞考起 Jeremy一改黑暗風格
首度跟Serrini合作，Anson Lo也沒想過歌詞會令他不曉得如何演唱才好，說：「第一次同Serrini合作，收到份詞有一種好直接嘅歌詞，有一句：I wanna taste your love，唱嘅時候都有啲怕醜。」平時唱開暗黑風格的Jeremy，在錄音時也要調適自己的心態，才能投入去唱，他笑言：「我要迫自己唱得再開心少少，因為自己solo歌唱慣咗dark啲嘅嘢，我第一次錄時，唱到真係好似哭喪，好似唔係幾好，所以轉一轉個tone，要自己笑住唱，催眠自己要好開心咁去唱呢首歌，希望俾到大家甜嘅感覺。」
在公布這次組合之時，四人曾被命名為「妹豬組」，Jeremy指今次的舞步的確有不很「妹豬」的舞步，四子都希望藉著今次小組合作，讓各人可以展現自己的長處，他們又回想起過去的合作，表示好耐之前已經想做跳唱項目，今次終於可以名正言順做一次，對大家而言都意義重大，Anson Lo更說：「呢次合作，令我哋有返排《全民造星》啲item時候嘅感覺。」
泰版「杉菜」任MV女主角 四子激讚Prim專業
MV方面，今次特別遠赴泰國拍攝，並邀請了於泰國版《流星花園》中飾演杉菜的Prim Chanikarn擔任女主角。四子都大讚Prim外貌精緻，出發拍攝前都有留意對方的social media，知道對方在泰國人氣極高，故此事前都相當驚訝能夠有機會合作，他們又大讚Prim十分專業，一埋位已經即時交足戲。
姜濤難抵「泰」熱天氣 汗流到變新衣圖案
說起泰國拍攝MV點滴，除了當地天氣熱提升拍攝難度，談到搞笑事情，姜濤笑說：「我哋喺沙灘拍攝嘅時候，我件恤衫有好多人以為個圖案係design，其實係我啲汗，啲汗染到件衫由淺藍色變咗深藍色，大家睇MV時可以留意下我啲汗。」Edan亦難忘放煙花玩仙女棒的過程，另外還有扮揸車的部份，但因為仍是P牌，這次未能過足手癮。
UTravel熱門旅遊話題
↓立即登記參加！賺取無上限現金賞💰↓
立即探索🔍最新熱門活動📍好去處推介🌟
