日本旅遊攻略
世界之窗是熱門景點之一，深圳地鐵1號線可直達的世界之窗園區。除了為人熟知的微型地標及機動遊戲之外，近年世界之窗亦新增了刺激的遊樂設施，更有煙花及無人機表演！《U Travel》編輯為大家整合世界之窗的交通、門票詳情、8大必玩項目以及必睇表演！
世界之窗一日遊攻略
世界之窗一日遊｜交通方法
前往世界之窗可以乘搭深圳地鐵1號線至「世界之窗站」下車，於J出口步行幾分鐘即可到達世界之窗的入口。
地址：深圳市南山區深南大道9037號世界之窗
世界之窗一日遊｜開放時間
世界之窗的開放時間為早上9:00至晚上10:30，最後入場時間為晚上9:00。
世界之窗一日遊｜必玩遊樂設施
世界之窗佔地甚大，共48萬平方米，分為8大區域，分別為世界廣場、亞洲區、大洋洲區、歐洲區、非洲區、美洲區、世界雕塑園和國際街。內裡有多個景點的微縮版本，如羅浮宮金字塔、白宮、風車、巨石陣等。除了微縮景點外，世界之窗現在更新增了多項遊樂設施及機動遊戲，即睇有哪些必玩項目！
世界之窗必玩｜1. 飛躍美利堅
「飛躍美利堅」這項機動遊戲與迪士尼的「飛躍地平線」類似，遊客坐上會升高的座椅，戴上3D眼鏡，在球形螢幕影院享受飛行。在這約5分鐘旅程中，會帶大家穿過大峽谷、總統山、尼亞加拉大瀑布等地標，並俯瞰景色。
世界之窗必玩｜2. 激流大峽谷
「激流大峽谷」是個水上漂流項目，遊客會坐上小船穿過峽谷，過程會有高速俯衝，十分刺激，是世界之窗的必玩項目之一。如不想全身濕透的話，可以在乘坐前先穿好雨褸。
世界之窗必玩｜3. 馬丘比丘家庭礦山車
「馬丘比丘家庭礦山車」位於以馬丘比丘為主題的「馬丘比丘迷城」園區內，是個較為合家歡的過山車。遊客坐上充滿復古感的過山車上，穿過礦洞，感受一下古文明的魅力。
世界之窗必玩｜4. 空中花園遊覽車
空中花園遊覽車位於巴黎鐵塔，是近年新增設的遊樂設施，遊客可以在高空以360度俯瞰歐洲區的景色，亦可以踩腳踏板控制纜車的速度。如想從另一角度欣賞世界之窗的景色，不妨乘坐空中花園遊覽車！
世界之窗必玩｜5. 亞馬遜叢林穿梭
「亞馬遜叢林穿梭」是世界之窗其中一項刺激的娛樂設施，旅客會以每小時40公里的速度，坐在紅外線電控車內於亞馬遜叢林之中穿梭。滑道共長800米，沿途更有仿真恐龍咆哮，有如進入電影世界一樣。若覺得速度太快，亦可手動調節速度。
世界之窗必玩｜6. 極速富士山
「極速富士山」其實是個4D影院，除了要戴上3D眼鏡之外，影院內的座椅更會隨著電影震動，有如身臨其境一樣！如想更有臨場感，建議坐前幾排，視覺效果更為震撼。
世界之窗必玩｜7. 侏羅紀水世界
侏羅紀水世界是世界之窗適逢30周年新打造的水上樂園，共分為三大區域，除了有刺激的滑水道之外，亦有適合小朋友的戲水區。樂園以恐龍為主題，到處都有小恐龍的裝飾擺設，童趣十足。此外，特定時間更有表演，是夏天去消暑好去處。
世界之窗必玩｜8. 阿爾卑斯冰雪世界
「阿爾卑斯冰雪世界」滑雪場位於世界之窗景區內，設有約15米寬、70米長的滑雪道，亦有2400平米超大真冰場，適合不同程度的人士，室內溫度維持在零下4至6度。另外亦設有北歐小鎮、時空隧道、國王城堡等多個打卡點。
世界之窗一日遊｜必睇表演
世界之窗必睇表演｜1. 盛世紀
《盛世紀》是世界之窗的大型音樂舞蹈史詩表演，講述中華民族千年夢想，展現人類文明盛世輝煌，並重現上古、漢唐、明清等重要歷史事件。遊客可以憑門票免費預定貴賓席座位。
世界之窗必睇表演｜2. 煙火及無人機表演
想欣賞煙花或無人機表演的話，其實世界之窗定時都會在巴黎鐵塔附近舉行煙花及無人機表演。現時逢周六晚上會舉行煙火演出，而周日晚上就會舉行無人機表演。
世界之窗一日遊｜門票
世界之窗的入場門票分為全日票及夜場門票，詳細票價如下：
- 成人：全日票220人民幣，夜場票120人民幣
- 兒童及長者：全日票110人民幣，夜場票120人民幣
除了即場購票之外，亦可到世界之窗微信官方小程序購票。購買全日票後可免費遊玩多項娛樂設施，惟部分設施需要另外收費。
世界之窗一日遊｜酒店
若在世界之窗玩得累了，亦可考慮在世界之窗附近住宿一晚，以下是部分酒店推介。
世界之窗酒店｜1. 深圳益田威斯汀酒店
深圳益田威斯汀酒店位於世界之窗園區對面，毗鄰華僑城，歡樂谷和錦繡中華民俗文化村，距離甚近而且交通方便。酒店350間客房和套房，均配有為舒適睡眠打造的床品、熱帶雨林淋浴及獨立浴缸，部分房間更可看到深圳灣的景色。
深圳益田威斯汀酒店
地址：深圳南山區深南大道9028-2 號
電話：+86-755-26988888
房價：每晚HK$819起
世界之窗酒店｜2. 深圳威尼斯英迪格酒店
深圳威尼斯英迪格酒店坐落於南山區華僑城中心區，鄰近歡樂谷、世界之窗及益田假日廣場。酒店擁有354間客房及套房，裝修走摩登風格，部分房間更有露台，可以眺望城市景觀，晚上更可看到世界之窗的煙火秀。酒店設備亦十分齊全，設有室內外泳池、健身房等。
深圳威尼斯英迪格酒店
地址：深圳南山區深南大道9026號
電話：+86 755 26936888
房價：每晚HK$912起
世界之窗酒店｜3. 深圳華僑城洲際大酒店
深圳華僑城洲際大酒店雖然比起上述兩間酒店，與世界之窗的距離較遠，不過同樣是熱門之選。深圳華僑城洲際大酒店以西班牙風格為主題，客房大都擁有獨立露台，可欣賞加勒比海式後花園的美麗風景。酒店擁有多項設施，包括近萬平方公尺的戶外花園、水療中心、室內外泳池等。
深圳華僑城洲際大酒店
地址：深圳市華僑城深南大道9009號
電話：+86 755 33993388
房價：每晚HK$977起
相關文章：
延伸閱讀：
資料及圖片來源：小紅書@深圳世界之窗、深圳世界之窗微信公眾號、微博@深圳世界之窗、小紅書@世界之窗阿爾卑斯冰雪世界、marriott.com、IHG.com
世界之窗園區內有多項遊樂設施，當中飛躍美利堅、激流大峽谷、空中花園遊覽車等都是必玩項目，詳閱世界之窗一日遊文章。
-
深圳攻略
深圳威尼斯英迪格酒店
深圳超豪華五星級酒店🛶打卡天堂🇮🇹
復活節假入住呢間深圳南山威尼斯英迪格酒店✨ 嚟到先知原來又係洲際旗下嘅酒店,一定有返咁上下水準! 親身嚟到比相片睇靚一百倍啊😱 酒店門口已經非常華麗🥰 入到大堂都唔捨得check-in住,影埋想打埋卡先慢慢｡ check-in非常之快,唔使排隊,我哋一點半去到已經可以上房~ 成間酒店嘅設計風格係威尼斯主題,同澳門嗰間係有少少相似嘅地方｡ 上到房之後琳琳好興奮🤣見到好大間房亦都有梳化同埋浴缸,已經即刻話今晚要浸浴🫧🛁 房間入邊嘅景色都唔差,可以望到世界之窗🗼🗽🗿 有小朋友入住房間仲會提供一對兒童拖鞋､浴袍同埋沖涼用品~ 酒店有一個超大超靚打卡非常一流嘅天幕泳池亦有玻璃圓頂嘅室內恆溫泳池😍 酒店嘅自助早餐地方亦都非常靚,款式算多選擇｡地方唔算非常大,但麻雀雖小五臟俱全,仲會劃分會員同普通住客區｡1.2米以下小朋友仲係免收費添架~ 過條馬路就係益田假日廣場,非常多餐廳選擇 之前介紹過來自台灣嘅木育森林就喺入面~ 過對面就係世界之窗,反方向就係歡樂谷! 深圳南山威尼斯英迪格酒店 地方: 華僑城深南大道9026號, 南山區, 深圳, 518053 Chill賞親子Staycation 深圳親子遊 深圳南山區 親子酒店 chill賞去op放電
閱讀更多
-
深圳攻略
世界之窗
超大遊樂園🛝仲有滑雪場⛸️同餵草泥馬🦙
細細個去過世界之窗,而家想帶返個女去睇下｡ 原來好多嘢都同以前唔同左,加多左好多啱小朋友玩嘅遊樂設施~ 低齡小朋友可以玩嘅都有唔少,我地玩左小飛象轉轉杯､空中纜車､旋轉木馬､小火車､越野車射擊,如果小朋友有120cm高嘅話仲有更加多刺激好玩嘅遊戲😆😆 世界之窗成個園區非常非常之大,真係可以行到腳都跛! 入邊有一個餵小動物嘅地方,叫WoWo萌寵森友會,喺世界之窗入去,只要比多二十蚊人頭費就可以入去睇小動物喇~買一份餵食嘅蔬菜好似都係$20左右,有埋圍裙同手套,比小朋友近距離喂小動物都唔驚會咬到手指｡動物都有好多種類,草泥馬同羊呢啲就唔使講｡我做足晒功課,但係好可惜我哋冇入到去啊🥲🥲因為已經接近5點但發覺有一半園區都未行完🫠🫠就放棄左睇動物喇🥺 世界之窗顧名思義就係有唔同國家名勝古跡嘅縮小版🤣一次過睇到咁多特別嘅景點,其實都真係好滿足好大開眼界😳😳😳 最後想介紹喺大眾點評發現有三日嘅門票只係$228人民幣,只係比普通一日嘅成人門票貴8蚊咋!!就可以玩到三日啊!😱非常推介一定要買呢隻飛呀! 不過因為我係復活節去,所以就冇呢個優惠,如果係平時嘅星期六日都有㗎,不妨喺附近住返晚酒店可以慢慢玩,因為入邊仲有好多嘢玩慢慢發掘~ 除咗頭先介紹嘅萌寵森友會之外,仲有一個比較出名嘅地方就係｢阿爾卑斯冰雪世界｣❄️喺世界之窗入去又係只係比幾十蚊一位咋,如果出邊入去要百幾蚊㗎! 滑雪就唔講啦太高階喇🫣 如果小朋友玩下雪砌下雪人玩吓瀡冰梯,咁就唔使再俾錢買飛｡另外仲可以喺隔離一個超大嘅溜冰場溜埋冰⛸️同香港嗰啲真係冇得比! 所以三日門票超級抵玩~ 交通: 深圳世界之窗地鐵站J出口 長隆放電假期 旅行打卡 親子好去處 深圳親子遊 深圳南山區
閱讀更多
-
深圳
2026倒數必睇！深圳10大跨年好去處 🎇
今年香港跨年冇煙花睇？不如考慮下北上深圳啦🚄！今年深圳嘅跨年活動真係好精彩，唔單止有超華麗嘅煙花表演🎆，仲有傳統嘅打鐵花、水幕噴泉⛲️，仲有篝火party🔥！無論你想搵免費嘅定係要買門票入場嘅，呢篇懶人包已經整合晒10個深圳跨年必去熱點，畀你Save低慢慢揀！ 1️⃣ 世界之窗 (P2-7) 📍 地點：南山區深南大道9037號 🚇 交通：地鐵1/2號線「世界之窗」站H/J出口 📅 日期：2025年12月31日 🕐 時間：20:30 - 00:15（煙花通常喺 00:00 壓軸） 🎫 票價：夜場票約 ¥120-220（建議提前預訂） 🔗購票：小程序://深圳世界之窗购票中心/wEF3ejlYilFvgUh ⭐特色： 《拿破崙傳奇》- 艾菲爾鐵塔煙花show、劍舞表演、高空特效等 - 電音party - 無人機表演 - 浪漫氣球雨 2️⃣ 歡樂海岸 (P8-10) 📍 地點：南山區濱海大道2008號 🚇 交通：地鐵9號線「深圳灣公園」站E出口 📅 日期：2025年12月31日 🕐 時間：待公布 🎫 票價：園區免費；水秀劇場需購票（約 ¥80-100） 待公布 ⭐特色： - 水幕噴泉 - 煙花show 3️⃣ 福田市民中心 (P11) 📍 地點：福田區市民廣場 🚇 交通：地鐵2/4/11號線「市民中心」站 📅 日期：2025年12月31日 🕐 時間：19:00 - 00:10（多場輪換） 🎫 票價：免費 （但需在微信小程序預約） 🔗預約：小程序://福田中心区夜景灯光预约导引服务/aPiKg9DzFMQqLVt ⭐特色： - 樓宇立體夜景燈光show - 無人機表演 4️⃣ 錦繡中華民俗村 (P12-16) 📍 地點：南山區深南大道9003號 🚇 交通：地鐵1號線「華僑城」站D出口 📅 日期：2025年12月31日 🕐 時間：19:00 - 00:00 🎫 票價：夜場票約 ¥79起 🔗購票：小程序://锦绣中华/MfWoAsjUCs3dxPG ⭐特色： - 53萬平方米燈會 - 40+非文化遺產燈飾 - 2大IP主題區, 占地2萬平方米 - 非文化遺產京劇街道 5️⃣ 較場尾沙灘 (P17-18) 📍 地點：大鵬新區較場尾沙灘 🚇 交通：建議自駕或由市中心搭 E11 巴士轉乘 📅 日期：2025年12月31日 🕐 時間：按民宿安排 🎫 票價：免費（沙灘區域） ⭐特色： - 附近民宿會搞篝火晚會 - 跨年倒數煙花 6️⃣海上世界 (P19-20) 📍 地點：南山區蛇口望海路1128號 🚇 交通：地鐵2/8/12號線「海上世界」站A出口 📅 日期：2025年12月31日 🕐 時間：18:00開始 🎫 票價：免費 ⭐特色： - 飄雪活動 - 音樂噴泉同小型海邊煙花(待公布) 7️⃣清平古墟 (P21-22) 📍 地點：寶安區新橋街道清平古墟 🚇 交通：地鐵11號線「沙井」站，再步行約15分鐘 📅 日期：2025年12月31日 🕐 時間：18:00 - 00:10 🎫 票價：免費 ⭐特色： - 限時飄雪 - 篝火party - 舞龍遊園 - 煙花倒數儀式 8️⃣深圳歡樂港灣 (P23-24) 📍 地點：寶安區海府路1號 🚇 交通：地鐵5號線「寶華」站 / 11號線「寶安」站 📅 日期：2025年12月31日 🕐 時間：待公布 🎫 票價：廣場觀賞免費；摩天輪需另購票 ⭐特色： - 摩天輪倒數 - 星願樹亮燈儀式 9️⃣甘坑古鎮 (P25-27) 📍 地點：龍崗區吉華街道甘李路18號 🚇 交通：地鐵10號線「甘坑」站B出口 📅 日期：2025年12月31日 🕐 時間：18:00 - 00:00 🎫 票價：部分區域免費，主景區需票購票 ⭐特色： - 燈火盛會 - 打鐵花表演 🔟小梅沙度假村 (P28-29) 📍 地點：鹽田區小梅沙 🚇 交通：地鐵8號線「小梅沙」站A出口（直達海邊） 📅 日期：2025年12月31日 🕐 時間：待公布 🎫 票價：需購買沙灘門票（約 ¥30-50，視官方公佈為準） ⭐特色： - 電子孔明燈祈福儀式 - 篝火party 圖片來源: 深圳世界之窗、歡樂海岸、福田中心區、錦繡中華民俗村、聖莫尼卡海景渡假民宿、深圳海上世界、清平古墟影視文化園、深圳歡樂港灣、甘坑古鎮、小梅沙官方 小紅書/微博/微信 深圳煙花 深圳跨年 深圳打卡攻略 深圳一日遊 深圳好去處 深圳攻略 攻略
閱讀更多
UTravel熱門旅遊話題
↓逾6000份限定禮品等緊您↓
立即探索🔍最新熱門活動📍好去處推介🌟
