Eric Kwok帶女團XiX上廣州一句話惹當地網友不滿：覺得好悲哀

正在閱讀
Eric Kwok帶女團XiX上廣州一句話惹當地網友不滿：覺得好悲哀

用 App 開啟

文: 呂柔仁

2024.08.12

參加《聲夢傳奇2》出道的女團XiX起初有6位成員，之後因劉芷君及莊殷玥（Vici）先後退團，而變成4人組合。XiX由郭偉亮（Eric Kwok）做經理人，老婆葉佩雯擔任形象總監。重新出發的女團XiX早前由Eric Kwok帶領下，首次上廣州宣傳。

點擊圖片放大

Eric Kwok在小紅書分享與繆昀希（Charlotte）、良玳瑩（原名梁善知、Crystal）、鄧曉殷（Kiele）及楊秉頤（Caitlin）四位XiX成員齊齊搭車上廣州的片段。Eric Kwok留言：「今日XiX第一次去廣州！這個旅程應該好嘈！我都好耐冇去過廣州啦！希望可以見到啲fans！#惡魔教練EricSir #ironman #鋼鐵俠 #ironmanager #ericute #女團XiX」。

片中四位成員對住鏡頭開心說：「廣州，We are coming！」Eric Kwok接著說：「講啲國語吖喂！」而成員之後亦叫經理人示範：「Eric Sir，你都講啲國語嚟聽下。」不過Eric Kwok一臉尷尬，以一句「Bye Bye」結束影片。

點擊圖片放大

沒想到的是Eric Kwok在片中一句話，引來不少網友回應，有人更表達不滿：「唔好教啲香港細路廣州係講普通話嘅，我哋係廣東話文化嘅城市。你教佢哋咁樣，我作為廣州人，覺得好難過同埋好悲哀，感覺廣州已經被踢出廣東話圈了…」、「係囉，個個以為我哋講普通話，唔係嘅請你哋堅持講廣東話」、「希望嚟廣州開拓市場的香港藝人知道，我哋廣州係粵語地區，大多數人由細到大都係講粵語」、「廣東地區係講廣東話架！唔該曬！」、「其實廣州人都係講廣東話嘅」。

點擊圖片放大