日本旅遊攻略
TVB金牌主持周奕瑋(Jarvis)是知名的「日本達人」，以往做過多個日本旅遊節目包括《周遊東京》、《周遊關西》系列等，帶大家發掘日本好去處，深受觀眾歡迎，今日(26日)他在IG興奮宣布在天時地利人和之下，已經在大阪買樓，由日本旅遊達人榮升日本業主！
Jarvis在IG發文：「呢排一直係咁思考好多，終於喺啱啱，我吸咗啖氣、再的起心肝、然後簽咗個名。係簽買賣合約嘅名，各位，我做業主喇！我喺大阪做業主喇！老實講，我都俾自己呢個舉動嚇咗一跳，因為今次係我人生第一次買樓，仲要唔算諗咗好耐，就落呢個決定。」
他表示今次的決定有齊天時地利人和，加上近日Yen跌勢持續，他就打鐵趁熱，考慮過手上資金後，最終選址於交通同生活方便的大阪西區一帶、大正駅附近置業，對新屋地理他非常滿意：「嚟呢度嘅第一日，就遇上個好靚嘅日落、第二次去嗰陣仲睇埋河邊嘅滿開櫻花、河邊又有好Chill 嘅餐廳、的確係自己想要嘅環境。」
他透露今次買大阪樓聽取過朋友意見，考慮投資做民宿，希望做演藝工作同時，都學吓搵被動收入，而今次是Jarvis首次置業，所以他都請教了許多朋友，其中一個就是前TVB新聞主播方健儀：「本身真係諗住第時飛大阪，就租佢間民宿住吓㗎咋〜點知講講吓，竟然變成買間俾自己去住。呢段時間問咗Akina好多意見同經驗心得，係咁煩住你唔好意思，嚟緊可能再煩你多啲，因為我地做鄰居喇！」
UTravel熱門旅遊話題
↓【香港貓迷博覽會2026🐱】大派300張門票！↓↓
＞登記拎飛！帶埋主子入場~✨＜
＞登記拎飛！帶埋主子入場~✨＜
【精華重溫🌟】社群年度熱搜帖文榜單出爐！🏆↓
↓主題追蹤人次突破二百萬!! 即刻重溫精彩時刻 ↓
↓主題追蹤人次突破二百萬!! 即刻重溫精彩時刻 ↓
