日本旅遊攻略
今個12月，想近近地去個2日1夜小旅行都感受到聖誕嘅節日氣氛，澳門係最好嘅選擇。今年「澳門銀河」預備咗個巨大驚喜畀大家：先嚟一個冠絕全澳高達20米嘅聖誕巨人裝置，任你瘋狂打卡；酒店內嘅多間餐廳亦特別設計咗多款節慶巨型美食；預訂入住旗下全新開幕嘅澳門安達仕酒店，仲有機會獲免費升級到佈滿了節日裝飾嘅聖誕主題套房。而「夢想就該獨巨一格」主題開篷巴士，將會遊走10個澳間景點，夜晚仲可以一邊遊車河，一邊睇燈飾。
冠絕全澳高達20米最潮聖誕巨人裝置
邊個話聖誕嘅巨型打卡位只得聖誕樹？「澳門銀河」跳出傳統框架，喺東翼廣場外豎立咗全澳最高、達20米的聖誕巨人裝置，以最具型格、全天候和全新閃亮嘅造型，為節日天際線增添色彩，大家無論用咩角度影相打卡都咁搶眼。
想瘋狂打卡，影相位又點只得一處？「澳門銀河」綜合度假城入面處處都有各種節日裝置：鑽石大堂入面嘅耀眼雪橇和閃亮壯觀巨型運財銀鑽秀相映成趣，而其他酒店大堂嘅精美節日裝飾亦為度假城增添濃厚嘅節日氣息。星際酒店和「澳門百老匯」都會有獨特嘅佈置，將室內化為一系列如畫嘅美景。
多款巨型節慶美食盛宴
慶祝聖誕，除咗可以去食琳瑯滿目嘅自助餐，多間頂級招牌餐廳包括8½ Otto e Mezzo BOMBANA、安達仕廚薈、蒙特卡洛巴黎咖啡館、CHA BEI 、麗軒、奈和美、Passion. by Gérard Dubois、莆田、萊佛士大堂吧、尚坊、庭園意大利餐廳、The Apron 蠔吧扒房、「麗思咖啡廳」、名廚都匯，以及山里多已經為大家預備咗法、意、日、泰、中等多國應節佳餚，讓大家與摯愛親朋歡聚共享。另外主廚團隊亦精心炮製咗一系列巨型節慶特大美食，包括庭園意大利餐廳嘅1米巨型帕爾瑪火腿Pizza，成家人或一班朋友一齊分享滋味又滿足；仲有蒙特卡洛巴黎咖啡館嘅1.5公斤大龍蝦套餐，海鮮愛好者一定唔可以錯過。
▲1米巨型帕爾瑪火腿Pizza @庭園意大利餐廳
▲1.5公斤大龍蝦套餐@蒙特卡洛巴黎咖啡館
節慶想小酌一杯，必試亞洲唯一以釀酒家麥卡倫為主題嘅高級麥卡倫威士忌吧嘅節日限定「澳門騾子」，呢款一公升特大雞尾酒以Talisker 威士忌為基調，加入焦糖糖漿和薑味啤酒，為佳節增添一分濃厚嘅香甜。
▲節日限定一公升特大雞尾酒「澳門騾子」@麥卡倫威士忌吧
節日限定餐飲供應期由即日起至2024年1月2日，味覺與視覺享受兼備嘅豐盛美饌，點綴你與摯愛嘅節日歡聚時光。
澳門安達仕酒店 沉浸式聖誕主題套房
嚟到「澳門銀河」點可以唔住返晚？想連休息都充滿節日氣氛，入住綜合度假城6間酒店嘅聖誕主題房間，可尊享可愛嘅薑餅人曲奇、溫暖嘅聖誕香料熱紅酒、滿滿棉花糖嘅熱朱古力，及香醇嘅薑味氣泡茶等。而「澳門銀河」和全新開幕嘅澳門安達仕酒店，更設有巨型倒數日曆，同大家一齊倒數迎接聖誕節正日。大家更有機會帶走多份節日驚喜禮物，包括訂製嘅「童」在銀河吉禮物孔雀「小淘淘」禮品包裝、毛絨玩具、個性化圍巾，以及聖誕倒數日曆等。
預訂12月1日至12月25日入住旗下全新開幕嘅澳門安達仕酒店，仲有機會獲免費升級到佈滿了節日裝飾嘅聖誕主題套房，包括聖誕樹、舒適嘅節慶毛毯和特色旅行套裝，喺瀰漫著松樹香氣中，畀你日與夜沉浸式嘅節日歡樂體驗。
想昇華整個節日住宿體驗，一定不能錯過福布斯五星水療澳門悦榕SPA嘅頂尖理療體驗。讓超卓技藝嘅護療大師，為你帶嚟以泰式草本及生薑為主調嘅療程，有效緩解壓力和精神疲勞，同時增強血液循環、溫暖身體，讓你今個冬天精神煥發！而家起至2024年1月31日，仲有二人同行，一位享半價優惠，讓你與摯愛齊齊放鬆身心。
預約：+853 8883 6633
主題開篷巴士 感受澳門節慶魅力
想到澳門街路感受聖誕氣氛，佢哋仲預備咗「夢想就該獨巨一格」主題開篷巴士，將慶典延伸到澳門街頭，即日起至12月31日，聖誕開篷巴士會載大家遊覽超過10個澳門知名地標及世界遺產地點，包括媽閣廟、澳門旅遊塔及澳門科學館等，畀你感受更多澳門獨有嘅節日氣氛。而12月8日晚間增設嘅路線，載住你欣賞路氹嘅醉人天際線及佳節燈飾，包括「澳門銀河」聖誕巨人嘅耀目裝飾，盡收眼底，記得準備好手機記錄難忘瞬間。「銀河致尚」會員購票可享7折獨家優惠。
節慶表演 普天同慶佳節
咁歡樂嘅節慶又點少得音樂及歌舞表演？「澳門銀河」鑽石大堂將會有「雪白聖誕」音樂會，由美國音樂總監Addison Wong帶領澳門聖誕合唱團（MCS）演唱一首首歡樂有趣嘅經典聖誕歌曲；另外，12月20至25日期間亦有聖誕老人與一班好朋友出嚟同大家互動賀佳節，為大家送上聖誕祝福。
聖誕經典音樂會
日期：12月24及25日
時間：6pm – 6:40pm
聖誕老人與你賀佳節
日期：12月20 – 25日
時間：2:35pm、3:35pm、4:35pm、5:35pm、6:45pm、7:45pm
更多「澳門銀河」「夢想就該獨巨一格」活動嘅住宿及吃喝玩樂優惠，記得密切留意埋佢哋嘅官網及Facebook專頁啦！
「澳門銀河」
網址：https://www.galaxymacau.com/zh-hant/dream-bold-play-big/
查詢電話：+853 8883 2221
Facebook：galaxymacau
資料由「澳門銀河」提供
UTravel熱門旅遊話題
＞登記即送，人人有賞！＜
↓即睇最新行程懶人包、爆紅打卡點🔥、必吃美食😋等↓
