日本旅遊攻略
就算不是高達迷，很多遊客也會專程到橫濱「GUNDAM FACTORY YOKOHAMA」睇1:1高達。而今次事件中的主角 （下稱：事主）因為看了影片，見到橫濱高達也想親身一睹真身，於是見到朋友也去東京，便「搭單」同行並說明想去睇「巨型高達」！結果旅伴帶他去到，只見高達企定定淨發光？
▶立即下載U Lifestyle App：bit.ly/3QIXboe
同場加映：【快閃旅行團】最新影片
事主與旅伴在行程第三天去睇「巨型高達」，其實沿路事主也感不妥，因為環境建築與影片有很大出入。其後問朋友：「點解咁耐仲未見巨大高達嘅？」朋友指住「前面個舊（嚿）嘢咪係高達囉！」直至去到目的地，發現與影片見到的不同，甚至等到表演時間，手腳根本沒有移動，原封不動站著，最多全程發光閃下閃下，完全不像橫濱的識行識走。
對此，事主感到非常失望，付了如此多旅費只見到發光的高達。然而，他事後才知自己看到的是「台場高達」。而負責計劃行程的旅伴卻說：「我鬼知橫濱有另一個高達咩，我都無追開高達！」更說：「是但啦！咪又係高達！一樣姐！」
事主心中感嘆情況等同於「我想去食Pizza Express，你帶我去食Pizza Hut」一樣。同時，他又怪責自己出發前無資料搜集，導致去錯地方。其後，他見到影片有留言指「台場個個已經執左」（更正：「GUNDAM FACTORY YOKOHAMA」已延長至2024年3月31日) ，最後唯有安慰自己睇到一個新巨型高達，以及曾行過7樓的The Gundam Base，滿足了睇高達的願望。
然而，事主的苦水不獲網民體諒。大部分網民指事主咎由自取「google map 係零難度，又唔係荒郊野外，洗唔洗打咁多野抱怨，同你去旅行就真係死得」、「Unicorn喺台場擺咗咁多年都可以事後先知，你自己唔做功課仲好意思話你個FD！」另外，有網民表明最討厭事主這類旅伴「又冇貢獻但要求多多，到出事就想責怪人，收左錢幫你做野咩！呢種人一定唔會同佢去旅行！」
橫濱高達「GUNDAM FACTORY YOKOHAMA」展期已延至2024年3月31日，因此還有4個月時間一睹真身。而且由東京前往橫濱也是1小時內，由鐮倉出發約40分鐘內，交通非常方便。
資料來源：Facebook@高達同好聚 GUNDAM
原文如下
UTravel熱門旅遊話題
↓主題追蹤人次突破二百萬!! 即刻重溫精彩時刻 ↓
立即探索🔍最新熱門活動📍好去處推介🌟
