日本旅遊攻略
臨近復活節，不少家庭都計劃帶同子女一起外遊，不過復活節作為旅遊旺季，機票、酒店等開支非常昂貴。故此，有港媽打算在淡季為小朋友以外遊為由向學校請假，此舉卻遭到奶奶不滿，擔心小朋友會荒廢學業。
▶立即下載U Lifestyle App：https://onelink.to/ulapp4
同場加映:【旅人指南針】開箱1200呎澳門倫敦人酒店房間！超過$9000一晚 超豪華英倫裝修風格！
港媽早前以「為左去旅行幫小朋友請假有咩問題」為題，在香港討論區撰文分享。她指受疫情影響，一家人至今仍未試過一同外遊，但由於擔心旅遊旺季機票及住宿費用都會大幅飇升，所以打算在淡季出發。不過，眾所周知旅遊淡季學生都需要上學，故此港媽打算「幫小朋友請幾日假」。
然而，奶奶聽後卻反對港媽的做法，認為會荒廢學業，「學生就應該好好讀書，點可以請假去旅行玩」。港媽反駁指，小朋友一向都十分聰明，請假數天不會對學業造成很大影響，「又唔係考試周，最多都係番嚟做多幾日功課，小朋友平時都有補習，其實都唔明擔心啲咩，加上小朋友都聰明既，對佢學習上影響應該都唔大」。
帖文引起不少網民熱議，有網民斥責港媽做法自私，「為咗小小著數，就可以攞小朋友嘅學業嚟做代價，小朋友從你身上會學到啲乜？ 眼前利益重要過長遠嘅成果呀，佢會變得功利，cost 大過 benefit 都唔識計，點做人父母」、「為咗玩可以放低工作學業，咁以後你叫佢做工（功）課唔準玩game，佢會好混亂，紀律問題就唔洗講啦」、「講真，小朋友系應該要專著 (注）學業既，你走左去玩，莫講話小朋友，你大人去旅行前幾日都無心理工作，執行李都心散」。
但亦有網民支持港媽做法，認為可以見識新事物，「冇問題，都要活在當下㗎」、「請假無問題喎！緊係去旅行緊要啲，反正將來返工好少用到書本知識」、「我細個試過請3星期去新彊添，幾日有乜好怕」。
原文如下︰
資料來源︰香港討論區
UTravel熱門旅遊話題
↓立即登記參加！賺取無上限現金賞💰↓
附搶飛連結🔗不再錯過演出消息‼️
