日本旅遊攻略
移民代表移居全新地方展開新一頁，有人難以適應當地的生活，另有人很快便成功融入當地。有移英港人（下稱︰事主）日前在討論區大讚英國的生活及工作節奏均輕輕鬆鬆，比起以往在香港生活時更開心。
同場加映:【旅人指南針】開箱新加坡2大五星級酒店 City Hall站超方便！親子友善家庭房
事主日前以「覺唔覺得嚟咗英國之後開心咗好多」為題在連登討論區，分享自己的移英經歷。在工作方面，他認為以往在香港「做到隻狗咁」只是賺得港幣一萬多至二萬元。移英後，雖然收入差不多，但工作卻變得十分輕鬆，毫無壓力可言，「Hea住做，啲客問親你啲嘢幾時交，你就答佢得就得啦」。
生活方面，事主表示以前在香港因工作關係，需要經常買名牌見客，「唔使喺香港成日都諗住話要買名牌、買衫、買袋、買鞋。諗吓買啲咩名牌見客。食乜嘢好西」。相反，英國相對不大重視物質，放假時可以有更多機會親近大自然，「呢度平時得閒就去行吓公園、踩下單車、感受吓大自然。咁你今日輕輕鬆鬆過咗星期六日」。
事主續指，在香港生活不但收入少，生活壓力大，更要為住屋煩惱，「喺香港成日都趕頭趕命咁樣。又係搵個雞碎咁多，仲要做樓奴。跟住成世人供間樓豆膶咁細，都唔知為乜」。移英後，生活平淡寫意，「喺呢度輕輕鬆鬆又過一日，平平淡淡，享受天倫之樂。講真，真係幾寫意」。
帖文一出，有同樣已然移英的港人認同事主的說法，「工作文化英國好好多，香港講到出聲叫你ot一個鐘，呢邊未夠鐘已經走，星期五早放工」，「我都喺英國，樓主講嘅都啱」。
不過，亦有網民認為事主只是為讚而讚，英國並非如此美好，「仲要樓主全部都為讚而讚」，「唔覺，成個國家都死氣沉沉咁，好似冇陽光咁，不過我只係住過一年」。有網民認為是事主心態問題，「其實你追求簡單生活，咁番保安搵萬幾蚊，住公屋都可以啦，去大埔踩下單車，西貢行下山，荃灣碼頭出青衣釣下魚」，「心態問題，同地域無關。香港一樣可以個個星期六日去行山踩單車坐公園，唔追名牌唔買手袋鐘意著咩都得」。
資料來源︰連登討論區
UTravel熱門旅遊話題
贏走題樂園門票、酒店Staycation及人氣產品
立即探索🔍最新熱門活動📍好去處推介🌟
