日本旅遊攻略
2015.12.04
去旅行有時都會帶漏嘢，或者怕行李超重而放棄帶某物品。原來好多酒店都有外借服務，有啲物品可能係你無諗過會有得借，下次check in時不妨問下酒店職員！
1. 手機充電器和轉換器
無論去到邊，手機都好重要，有時又要睇地圖搵路，無充電器就大鑊。就算有都可能唔啱插頭，如果下次唔記得帶手機充電器同「變插」，可以問下酒店有無得借。
2. 枕頭
不少酒店會提供軟硬或大小不同的枕頭供住客使用，住客可因應自己的喜好借不同的枕頭。
3. 捲髮和直髮器
酒店有風筒是基本，有些酒店連捲髮和直髮器都有！女士們去旅行每日都可以有不同的髮型！
4. 汽車租賃
有些高級的酒店提供免費的租車服務，不論豪華轎車或開篷車都有，方便得嚟又夠晒型！
5. 瑜伽墊
去旅行的時候都會想做運動，無理由帶咁大張瑜伽墊去旅行，係酒店借張就無問題啦！
6. 針線包
針線包應該好普通，好多酒店房內都放有一個小小的針線包，就算甩咗粒鈕都可以即刻整返。
7. 牙膏和漱口水
大部分酒店都免費提供牙膏和牙刷，如果想要漱口水、剃鬚膏和牙線都可以問酒店職員。
8. 洗甲水
女士搽左指甲油不小心整花了或者想換顏色，可以問吓酒店有無洗甲水。
9.密實膠袋
執行李或上機之前都好需要密實膠袋裝好細細枝的沐浴露、洗面霜等。
10.棋牌遊戲
同小朋友去旅行或者夜晚係酒店悶悶地做咩好? 可以問酒店職員有無啤牌或大富翁等的遊戲外借。
11. GoPro
一些新型酒店甚至提供GoPro租借服務，有住客就試過在加勒比及拉丁美洲地區的萬豪酒店租借過GoPro去冒險。
UTravel熱門旅遊話題
【精華重溫🌟】社群年度熱搜帖文榜單出爐！🏆↓
↓主題追蹤人次突破二百萬!! 即刻重溫精彩時刻 ↓
↓主題追蹤人次突破二百萬!! 即刻重溫精彩時刻 ↓
🔔睇《U GO》輕鬆掌握最新食買玩情報！↓
立即探索🔍最新熱門活動📍好去處推介🌟
立即探索🔍最新熱門活動📍好去處推介🌟
