日本旅遊攻略
成日話陸國出國行為如何不檢點，其實港客都有被人詬病的地方，繼首爾民宿老闆投訴港客臨時取消事件 (詳看：首爾民宿老闆投訴港客臨時取消 網民：請做個負責任的香港旅客)，再有網友在討論區開帖《香港人出外旅行請不要失禮自己之仁川機場篇》抱不平。
版主在首爾仁川機場，看到一對男女及嬰兒在航航空公司櫃檯辦手續，女方因找不到證件，除了未能登機，所購買的寄倉行李限額亦自然被取消。她就突然發怒，用廣東話大駡地勤，指地勤無心幫忙，版主指女方還夾雜粗口指罵。
最後要男方加錢，購買更多得李限額才平息事件。版主更最後提醒大家去旅行別要玩得得意忘形，一定要袋好護照。更說韓國人尊重日本人，但不太尊重香港人或中國人，當中一定有原因。
早前有做地勤的網民在討論區「爆粗」，力數港客態度3宗罪，你又同唔同意？(詳看：憤怒機場地勤 數港客 3 大惡行)，睇埋10大旅行乞人憎行為，睇下自己有無中！(詳看：旅行乞人憎行為逐個捉 估唔到自己都中咗好幾個！)
討論區原文：
話說巴士佬前幾日係仁川機場返香港，寄完行李之後，就見到排後面既一對男女仲有個BB仔，而個女人就一直係度搵野
巴士佬同佢朋友心諗，一定唔見左護照！
之後去完便利店買完野食，就去返櫃檯附近坐睇下戲
見到個男人好開心咁去排隊，正以為佢地搵到護照，個女人就鬧個男人，你等我攞返啲野先喇！
當時應該只有個女人本護照唔見左，去到櫃檯，見佢地將3大件行李攞上行李帶磅重
之後就發生左啲誤會，因為個女人無護照無得登機，好自然佢買既寄倉行李就無得用
個地勤用英文解釋，個女人就大嗌，叫Hongkong express call me
大家都知道韓國地勤都只係代理，而我地平時打上快運都唔知等幾耐先有人聽，而且當時2點幾，快運熱線都收左工
個女人就用廣東話鬧個地勤，話佢根本無心幫佢地，之後仲用粗口鬧人，仲問人who you name？
就算俾你知人地叫咩名有咩用？最後要俾錢當個男人既超重行李計，其實個男人多次同個女人講，不如唔好寄！但個女人
巴士佬就話，要人幫不如自己幫自己喇！而且人地根本聽唔明你up咩！
其實最慘都係個男人，一個男人抱住個BB，仲要攞住3件行李
去旅行原本係好開心既事，但千忻唔好得意忘形，護照一定要袋好啲
點解韓國人會尊重日本人，而太不尊重香港或者中國人，係有一定的原因
來源：香港討論區
#旅遊熱話 #港人外遊失禮事件
UTravel熱門旅遊話題
↓主題追蹤人次突破二百萬!! 即刻重溫精彩時刻 ↓
附搶飛連結🔗不再錯過演出消息‼️
